Beint á efnisyfirlit síðunnar

Á döfinni

27

17.05.2018

Ungir ljósmyndarar fá tækifæri í BuenosAires 2018

Alþjóðaólympíunefndin (IOC) leitar nú að ungum framúrskarandi ljósmyndurum á aldrinum 18-24 ára sem hafa áhuga á að taka þátt í skemmtilegu og fræðandi ljósmyndaverkefni á Ólympíuleikum ungmenna (Youth Olympic Games - YOG) í Buenos Aires í september 2018. IOC mun velja sex ljósmyndara, þrjár konur og þrjá karla, til þess að taka þátt í verkefninu. Leiðbeinendur í verkefninu eru margverðlaunaðir ljósmyndarar í íþróttaheiminum, ​Bob Martin, Simon Bruty, Thomas Lovelock, Joel Markland og Nick Didlick.
Nánar ...
16.05.2018

Vefsíðan Sýnum karakter

Íþrótta- og Ólympíusamband Íslands og Ungmennafélag Ísland standa saman að vefsíðunni Sýnum karakter. Vefsíðan er aðallega ætluð þjálfurum og íþróttafélögum. Reglulega skrifa gestir pistla á síðuna og deila þannig sinni reynslu úr íþróttaheiminum.
Nánar ...
15.05.2018

Nýtt íþrótta- og fimleikahús í Kópavogi

Íþróttahús við Vatnsendaskóla í Kópavogi var vígt við hátíðlega athöfn á föstudaginn síðastliðinn, á afmæli Kópavogsbæjar. Nýja húsið er sérhannað fyrir þjálfun í hópfimleikum og mun Íþróttafélagið Gerpla nýta húsið ásamt Vatnsendaskóla sem verður með íþróttakennslu í húsinu.
Nánar ...
14.05.2018

Hjólað í vinnuna

Hjólað í vinnuna er nú í fullum gangi, en keppninni lýkur þann 22. maí. ​Vert er að benda á að hjólaðar vegalengdir til og frá vinnu er ekki eingöngu það sem má skrá í keppninni heldur telst allur virkur ferðamáti með, eins og ganga, hlaup, hjólabretti, línuskautar og strætó.
Nánar ...
14.05.2018

Ársþing HSV

Ársþing HSV 2018 var haldið í Stjórnsýsluhúsinu á Ísafirði 9. maí sl. Guðný Stefanía Stefánsdóttir sem verið hefur formaður HSV síðustu fjögur ár gaf ekki kost á sér til áframhaldandi starfa. Eitt framboð barst til formanns og var Ásgerður Þorleifsdóttir kjörinn nýr formaður HSV með lófaklappi. Úr stjórn gekk einnig Páll Janus Þórðarson og í hans stað var kjörinn Baldur Ingi Jónasson.
Nánar ...
11.05.2018

Vel heppnað Grunnskólamót UMSK

Grunnskólamót UMSK í blaki fór fram á gervigrasinu í Kórnum í Kópavogi þann 9. maí sl. Hátt í áttahundruð börn úr 4. - 7. bekk í 15 grunnskólum á UMSK svæðinu (Mosfellsbæ, Garðabæ og Kópavogi) mættu og skemmtu sér frábærlega í skemmtilegri íþrótt. Spilað var nokkurskonar krakkablak þar sem tveir eru á vellinum í einu úr hvoru liði og fór leikur fram á 64 blakvöllum. Verkefnið var samstarfsverkefni UMSK og Blaksambands Íslands og fékk verkefnið styrk frá Ólympíusamhjálpinni. Mótið gekk vel, krakkarnir skemmtu sér og sýndu flotta takta.
Nánar ...
11.05.2018

Mjög góð þátttaka í vorfjarnámi ÍSÍ í þjálfaramenntun

Vorfjarnámi ÍSÍ í þjálfaramenntun er nú lokið á öllum þremur stigum námsins, 1. 2. og 3. stigi. Þátttakan var mjög góð, 37 þjálfarar luku námi á 1. stigi, 10 þjálfarar luku 2. stigi og 17 þjálfarar luku 3. stigi, samtals 64 þjálfarar. Um er að ræða almennan hluta menntunarinnar sem gildir jafnt fyrir allar íþróttagreinar. Sérgreinahluta menntunarinnar sækja nemendur hjá viðkomandi sérsambandi/sérnefnd ÍSÍ.
Nánar ...
10.05.2018

Ný persónuverndarlöggjöf 2018

Þann 25. maí 2018 tekur gildi á Íslandi ný reglugerð Evrópusambandsins (ESB) um persónuvernd. Hún leysir af hólmi núgildandi Evrópulöggjöf. Rétt er þó að taka fram að löggjöfin mun hljóta þinglega meðferð Alþingis áður en hún tekur að fullu gildi hérlendis. Öll fyrirtæki, stofnanir og aðrir sem vinna með persónuupplýsingar, hvort heldur um eigið starfsfólk, viðskiptavini, notendur eða aðra, verða að fylgja hinni nýju löggjöf. Persónuvernd, sem framfylgir persónuverndarlöggjöfinni á Íslandi, hefur gefið út leiðbeinandi efni um það helsta sem þarf að undirbúa fyrir gildistöku laganna. Um er að ræða umfangsmestu breytingar sem gerðar hafa verið á persónuverndarlöggjöfinni í tvo áratugi. Í tilkynningu frá framkvæmdastjórn Evrópusambandsins frá 14. apríl 2016 segir að hinar nýju reglur staðfesti að sá grundvallarréttur sem felst í vernd persónuupplýsinga einstaklinga verði tryggður fyrir alla.
Nánar ...
10.05.2018

Nemendur úr HR í starfsnámi

Þeir Birgir Viktor Hannesson og Marinó Ingi Adolfsson, sem stunda nám í íþróttafræði við Háskólann í Reykjavík, hafa verið í starfsnámi hjá Íþrótta- og Ólympíusambandi Íslands í þrjár vikur. Þeir hafa hjálpað til við nokkur verkefni, m.a. blakmót UMSK og Blaksambands Íslands. Mótið er grunnskólamót fyrir alla nemendur í 4.-7. bekk sem stunda nám við grunnskóla í Kópavogi, Garðabæ og Mosfellsbæ. ÍSÍ þakkar þeim félögum fyrir sýndan áhuga á starfsemi ÍSÍ og óskar þeim góðs gengis í áframhaldandi námi.
Nánar ...
08.05.2018

Fagna afrekum sínum eftir á

Þær aðstæður koma nú reglulega upp þar sem íþróttafólk sem unnið hefur til verðlauna á Ólympíuleikum gerist sekt um lyfjamisferli og missir því verðlaun sín. Það íþróttafólk, sem næst er í röðinni missti því af sínu tækifæri til þess að fagna afrekum sínum á verðlaunapalli á Ólympíuleikum. Íþróttamannanefnd innan IOC hefur unnið að því síðustu mánuði að setja saman ákveðin viðmið fyrir þetta íþróttafólk, um hvernig það geti fengið sín verðlaun afhent og þar með fagnað sínum árangri. Nýlega samþykkti framkvæmdastjórn Alþjóðaólympíunefndarinnar (IOC) þessi meginviðmið sem íþróttamannanefndin setti saman.​
Nánar ...