Beint á efnisyfirlit síðunnar

Á döfinni

21

Nýr starfsmaður ÍSÍ

09.04.2014

ÍSÍ hefur ráðið Rögnu Ingólfsdóttur í starf verkefnastjóra kynningarmála.  Ragna var valin úr hópi tæplega 140 umsækjenda en það var Hagvangur sem sá um ráðningarferlið. 

Ragna er með BA gráðu frá HÍ í heimspeki, með sálfræði sem aukagrein og er í meistaranámi í lýðheilsuvísindum við HÍ. Ragna þekkir íþróttahreyfinguna vel en hún var, sem kunnugt er, fremsta badmintonkona Íslands um langt áraskeið og keppti m.a. á tvennum Ólympíuleikum.  Hún hefur margskonar starfsreynslu, meðal annars við pistlaskrif og umsjón netmiðla.

Ragna mun hafa umsjón með kynningarmálum ÍSÍ, heimasíðu og samfélagsmiðlum, myndasafni, samskiptum við fjölmiðla, útgáfu fréttaefnis, svo fátt eitt sé nefnt. Hún mun vinna þvert á öll stoðsvið ÍSÍ.

Við bjóðum Rögnu hjartanlega velkomna til starfa hjá ÍSÍ og óskum henni velfarnaðar í starfi.