Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
13

Ársþing USVH

16.03.2017

Ungmennasamband Vestur-Húnvetninga hélt 76. ársþing sitt í félagsheimilinu Víðihlíð miðvikudaginn 15. mars síðastliðinn. Alls voru 28 þingfulltrúar mættir á þingið sem er um 77% mæting. Þingforseti var Júlíus Guðni Antonsson og stýrði hann þinginu af röggsemi. Reimar Marteinsson verður áfram formaður sambandsins en nokkrar breytingar urðu á stjórninni. Nokkur fjöldi tillagna lágu fyrir þinginu og voru þær allar samþykktar auk tveggja nýrra tillagna sem urðu til í störfum þingnefnda. Í lok þingsins var þingfulltrúum skipt upp í vinnuhópa undir styrkri stjórn Þóreyjar Eddu Elísdóttur. Hóparnir unnu að stefnumótun USVH og tóku nokkra fyrirfram ákveðna málaflokka fyrir á þessu þingi. Vinnan gekk afar vel og fékk stjórn sambandsins þarna góðar hugmyndir til að vinna út frá á næstu mánuðum. Stjórninni er ætlað að skila af sér nýrri stefnumótun á næsta ársþingi USVH að ári liðnu.

Fulltrúar ÍSÍ á þinginu voru Þórey Edda Elísdóttir úr framkvæmdastjórn ÍSÍ og Viðar Sigurjónsson skrifstofustjóri ÍSÍ á Akureyri.

Mynd 1: Þórey Edda Elísdóttir
Mynd 2: Frá nefndarstörfum
Mynd 3: Frá vinstri, Júlíus Guðni Antonsson þingforseti og Reimar Marteinsson formaður USVH.

Myndir með frétt