Beint á efnisyfirlit síðunnar

Á döfinni

17

18.12.2017

Handknattleiksdeild Fjölnis fyrirmyndardeild ÍSÍ

Handknattleiksdeild Fjölnis fyrirmyndardeild ÍSÍHandknattleiksdeild Fjölnis í Grafarvogi fékk endurnýjun viðurkenningar deildarinnar sem fyrirmyndardeild ÍSÍ fimmtudaginn 14. desember síðastliðinn. Deildin fékk fyrst viðurkenningu sem fyrirmyndardeild árið 2013. Endurnýja þarf viðurkenninguna á fjögurra ára fresti og var þetta því fyrsta endurnýjun deildarinnar. Það var Úlfur Helgi Hróbjartsson úr framkvæmdastjórn ÍSÍ sem afhenti Arnóri Ásgeirssyni framkvæmdastjóra deildarinnar viðurkenninguna. Á myndinni eru frá vinstri Aðalsteinn Snorrason formaður deildarinnar, Arnór Ásgeirsson og Úlfur Hróbjartsson og tveir ungir iðkendur Fjölnis halda á fána fyrirmyndarfélaga.
Nánar ...
12.12.2017

Fræðsluefni tengt kynferðislegri áreitni og ofbeldi

Fræðsluefni tengt kynferðislegri áreitni og ofbeldiÍ ljósi umræðunnar um kynferðislega áreitni og ofbeldi og #METOO samfélagsmiðlabyltingarinnar er ekki úr vegi að benda á það efni sem nú þegar er til hjá ÍSÍ um þetta málefni eða getur hjálpað til ef málefni af þessu tagi kemur upp. Það er félögum og öðrum sambandsaðilum ÍSÍ sjálfsagt að nýta allt það efni sem er til staðar á vefsíðunni og í formi fræðslubæklinga.
Nánar ...
11.12.2017

Glímufélagið Ármann til fyrirmyndar

Glímufélagið Ármann til fyrirmyndarGlímufélagið Ármann fékk endurnýjun viðurkenninga fyrir allar sínar deildir sem fyrirmyndardeildir ÍSÍ sunnudaginn 10. des. sl. á afmælishátíð félagsins í hátíðarsal Laugarbóls í Laugardal.
Nánar ...
11.12.2017

Bækur um Vetrarólympíuleika

Bækur um VetrarólympíuleikaÍSÍ barst góð gjöf á dögunum þegar dr. Ingimar Jónsson færði sambandinu bækur tvær sem hann hefur ritað um Vetrarólympíuleika. Önnur bókin fjallar um leika á tímabilinu 1924 - 1984 og hin um leika á tímabilinu1988 - 2010.
Nánar ...
08.12.2017

Golfklúbbur Selfoss fyrirmyndarfélag ÍSÍ

Golfklúbbur Selfoss fyrirmyndarfélag ÍSÍGolfklúbbur Selfoss fékk endurnýjun viðurkenningar sinnar sem fyrirmyndarfélag ÍSÍ á aðalfundi félagsins á Selfossi í gær. Það var Sigríður Jónsdóttir varaforseti ÍSÍ sem afhenti Ástfríði M. Sigurðardóttur formanni klúbbsins viðurkenninguna. Á meðfylgjandi myndum má m.a. sjá Sigríði og Ástfríði auk ungra iðkenda félagsins. Félagið lét útbúa forláta köku með merki fyrirmyndarfélaga af þessu tilefni og mæltist það ákaflega vel fyrir.
Nánar ...
07.12.2017

Göngufótbolti hjá Þrótti

Göngufótbolti hjá ÞróttiFyrsta æfing í svokölluðum göngufótbolta var haldin föstudaginn 1. desember s.l. á Eimskipsvellinum í Laugardal. Göngufótbolti er fótbolti ætlaður eldri iðkendum og er markmiðið að hvetja eldri borgara og aðra til þess að stunda heilbrigða hreyfingu í góðum félagsskap. Íþróttin hefur notið töluverðra vinsælda í Englandi og á Norðurlöndunum.
Nánar ...
06.12.2017

Heimsókn frá Grænlandi

Heimsókn frá GrænlandiÞriðjudaginn 28. nóvember sl. heimsóttu þrír grænlenskir ráðherrar og ráðuneytisstjórar þeirra skrifstofu ÍSÍ, en um var að ræða hluta af heimsókn þeirra til Íslands til að kynna sér forvarnarstarfsemi á Íslandi. Hinn góði árangur Íslands á íþróttasviðinu var kveikjan að heimsókn þeirra til ÍSÍ en áður hafði hópurinn kynnt sér fjölmörg íslensk verkefni sem tengjast börnum, ungmennum, heimilum og skólastarfi. Aðkoma ÍSÍ að forvarnarstarfi er víðtæk en auk þess að vera virkur þátttakandi í fjölmörgum verkefnum í gegnum tíðina má segja að það eitt að börn og unglingar stundi íþróttir sé í raun ein virkasta forvörnin sem fyrir finnst.
Nánar ...
05.12.2017

Dagur sjálfboðaliðans í dag

Dagur sjálfboðaliðans í dagÁrlega er 5. desember helgaður sjálfboðaliðum um heim allan. Íþróttahreyfingin á Íslandi er rík af sjálfboðaliðum sem bera uppi starf hreyfingarinnar og sinna mikilvægum verkefnum öllum stundum til að íþróttalífið megi blómstra og dafna í landinu. Án þeirra væri engin íþróttahreyfing.
Nánar ...
04.12.2017

Haustfjarnámi í þjálfaramenntun lokið

Haustfjarnámi í þjálfaramenntun lokiðHaustfjarnámi ÍSÍ í almennum hluta þjálfaramenntunarinnar er nú lokið. Samtals um 40 nemendur luku námi á 1. eða 2. stigi námsins og geta því sótt sérgreinaþátt námsins til viðkomandi sérsambanda ÍSÍ.
Nánar ...