Beint á efnisyfirlit síðunnar

Lyfjaeftirlitið

Lyfjaeftirlitsnefnd ÍSÍ sér um framkvæmd lyfjaeftirlits meðal íþróttafólks á Íslandi. Lyfjaeftirlitsnefndin starfar samkvæmt reglum Alþjóða lyfjaeftirlitsstofnunarinnar, WADA.

Alþjóða lyfjaeftirlitsstofnunin var stofnuð árið 1999 fyrir tilstuðlan Ólympíuhreyfingarinnar og ríkisstjórna heimsins í þeim tilgangi að berjast gegn lyfjamisnotkun í íþróttum. Hlutverk WADA er að efla og samræma lyfjaeftirlit í heiminum sem og að fylgjast með framkvæmd lyfjaeftirlits og baráttunni gegn lyfjamisnotkun í allri sinni mynd, um allan heim.

Lyfjaeftirlitið er einn mikilvægra þátta til að stuðla að lyflausum íþróttum.

Alþjóðlegt lyfjaeftirlit er framkvæmt í samræmi við Alþjóða lyfjaeftirlitsreglurnar (World Anti Doping Code) og alþjóðlega staðla WADA um lyfjaeftirlit.

Íþróttamaður sem keppir hvort heldur er innanlands eða á alþjóðavettvangi, má eiga von á að vera boðaður í lyfjapróf hvar og hvenær sem er. Lyfjaeftirlitið getur verið framkvæmt á keppnisstað í tengslum við keppni, eða utan keppni, t.d. á æfingu eða heima hjá viðkomandi keppanda, án nokkurrar viðvörunar. Viðurkenndir lyfjaeftirlitsaðilar sjá um framkvæmd eftirlitsins.

Í þessum bæklingi er farið yfir hverju íþróttamenn mega eiga von á þegar þeir eru boðaðir í lyfjaeftirlit, hvort heldur er á Íslandi eða erlendis, þar sem unnið er eftir reglum Alþjóða lyfjaeftirlitsstofnunarinnar. Með því er ætlunin að auka öryggi þeirra sem þurfa að gangast undir lyfjaeftirlit og draga úr líkum á að mistök eigi sér stað.

Gott lyfjaeftirlit er afar mikilvægt – bæði fyrir íþróttamanninn og íþróttina.

    Á döfinni

    24