Sumar Ólympíuleikarnir
eru einn stærsti einstaki alþjóðlegi íþróttaviðburðurinn sem haldinn er á
fjögurra ára fresti, öðru nafni nefndir Leikar Ólympíuöðunnar. Leikarnir færast
á milli heimsálfa og borga í hvert sinn sem þeir eru haldnir. Það að borg er kosin
(borgir þurfa að sækja um að halda leikanna) er jafnan talin mikill heiður og yfirleitt
litið á það sem mikla lyftistöng fyrir borgina, samfélagið og þjóðina að hafa
verið valin til að halda Leikanna.
Tveimur árum eftir Sumarleika fara fram Vetrarólympíuleikar og þar er sama kerfi á og með Sumarleikanna. Margfalt fleiri þjóðir senda þátttakendur á sumarleikanna en á
vetrarleikanna.
Fyrstu
Ólympíuleikarnir fóru fram fyrir meira en 2000 árum síðan í Grikklandi til
forna. Fyrstu nútíma Sumar Ólympíuleikarnir voru haldnir í Athenu árið 1896 að
frumkvæði Pierre de Coubertin. Tveimur árum áður hafði honum tekist að koma
saman 79 fulltrúum frá 12 þjóðum til að ræða enduvakningu Ólympíuleika
Forn-Grikkja. Í kjölfarið var Alþjóða
Ólympíuhreyfingin (International Olympic Committee, IOC) stofnuð þann 23.
júní 1894 og var grískur viðskiptamaður
að nafni Demetrios Vikelas valinn sem fyrsti forseti alþjóða Ólympíunefndarinnar, IOC. Á þessum fyrsta
stofnfundi var ákveðið að halda leikanna á fjögurra ára fresti og að fyrstu leikarnir yrðu í Athenu 1896.
Leikarnir í Athenu voru því Leikar I Ólympíuöðunnar. Á þessum fyrstu Ólympíuleikum tóku 200
íþróttamenn þátt og komu þeir frá 13 þjóðum. Medalíur fyrir fyrsta, annað og
þriðja sæti var ekki tekið upp fyrr en árið 1904 í St. Louis, Missouri í
Bandarríkjunum.
Keppnisgreinar á fyrstu leikunum í Athenu voru einungis 42. Til samanburðar þá voru þær 302 í Peking árið 2008 og 10.500 þátttakendur frá 205 þjóðum tók þá þátt.