Rannsóknir

Margar rannsóknir hafa sannað að hreyfing bætir líkamlega og andlega líðan. Fólk sem hreyfir sig regluleg dregur ekki aðeins úr líkunum á ýmsum langvinnum sjúkdómum, s.s. hjarta- og æðasjúkdómum, krabbameini, sykursýki, stoðkerfisvanda og offitu heldur stórauka þeir líkurnar á að lifa lengur sjálfstæðu, heilbrigðara og hamingjuríkara lífi.

Því miður bendir allt til þess að kyrrseta hafi aukist þar sem um 56% fullorðinna og 24% barna eru of þung hér á landi. Þar af glíma um 16% fullorðina og 5% barna við offitu.

Viðhorfsrannsókn sem ber heitið Vitund og viðhorf til ÍSÍ,  var lögð fyrir í október – nóvember 2007.
Hér fyrir neðan má sjá nokkrar staðreyndir:
•    Um 78,7 % voru jákvæðir gagnvart ÍSÍ.
•    45,8% stunduðu íþróttir með skipulögðum hætti hjá íþróttafélagi eða ungmennafélagi á yngri árum.  Af því voru um 56% karlar. Af þessum 45,8% stunda 11,3% enn íþróttir 
•    66,2% stunduðu boltaíþróttir.
•    Um 47,2% hætta ástundun íþrótta um 16-20 ára aldur. Fólk hættir seinna út á landsbyggðinni eða um 23 ára aldur á meðan það er um 20 ára í Reykjavík.
•    59,2% stunda íþróttir í dag.
•    42,1% stunda íþróttir 3 – 6 x í viku.
•    50,6% stunda göngu eða stafgöngu.
•    36,4% stunda íþróttir í skipulögðu starfi.
•    26,1% nefndu leti sem ein af ástæðum þess að stunda ekki íþróttir/heilsurækt í dag

 

Hefur hreyfing á yngri árum áhrif á hvað fólk hreyfir sig mikið síðar á ævinni?
Dr. Þórarinn Sveinsson, dósent og Svandís Sigurðardóttir, lektor Sjúkraþjálfunarskor, læknadeild, Háskóla Íslands.(2000). Íþróttamál, 24.árg.2.tbl
“Margt hefur áhrif á það hvort og hversu mikið fólk hreyfir sig. Eitt af því sem oft er talið skipta máli er hverju fólk hefur vanist í æsku og á unglingsárum”. “Okkar rannsókn sýnir ekki að almenn hreyfing á unglingsárum eins og fólk metur hana eftir á hafi forspárgildi um hreyfingu síðar á ævinni. Nokkrar erlendar rannsóknir hafa þó sýnt að þátttaka í keppnisíþróttum í æsku og á unglingsárum auki líkur á að fólk hreyfi sig reglulega þegar það er orðið fullorðið. Einnig hefur nýleg kanadísk rannsókn sýnt að íþróttakennsla 5 sinnum í viku jók líkur á reglulegri hreyfingu hjá konum síðar á ævinni en þessu var ekki farið þannig hjá körlum”.