Íþrótt:
Judo

Judomaður ársins:
2013, 2018, 2019 og 2020

Íslandsmeistari í -81kg flokki:
2012-2019

Sveinbjörn Jun Iura er margfaldur Íslandsmeistari í judo, en hann keppir í -81kg flokki. Hann hefur verið kjörinn Judomaður ársins þrisvar sinnum.

Á árinu 2018 vann hann sinn sjöunda Íslandsmeistaratitil er hann vann -81 kg flokkinn. Hann komst í þriðju umferð á Heimsmeistaramóti í Bakú á árinu og í 32 manna úrslit af 65 keppendum. Á Grand Slam Osaka komst hann einnig í þriðju umferð og í sextán manna úrslit af 40 keppendum. Þetta eru tvö af sterkustu mótunum í heimsbikarmótaröð Alþjóðajudosambandsins (IJF) ár hvert og þar er keppt með útsláttarfyrirkomulagi. Í báðum tilfellum var Sveinbjörn sleginn út af sigurvegara mótsins. Hann vann bronsverðlaun í -81 kg flokki á Norðurlandamóti í Danmörku og brons í liðakeppninni á sama móti.

Sveinbjörn lagði megin áherslu á að keppa á úrtökumótum fyrir Ólympíuleikana í Tókýó á árinu 2019. Bestum árangri náði Sveinbjörn þegar hann vann til bronsverðlauna á heimsbikarmóti í Hong Kong. Sveinbjörn er þriðji Íslendingurinn til þess að vinna verðlaun á heimsbikarmóti síðan núverandi kerfi komst á laggirnar árið 1993. Einnig komst Sveinbjörn í aðra umferð á stórmótunum Grand Slam París og Grand Slam Abu Dhabi og var fulltrúi Íslands á Evrópuleikunum í Minsk, enn hann tók einnig þátt árið 2015 í Bakú. Einnig varð hann þriðji á Reykjavík International Games.

Sveinbjörn er hluti af hópi íþróttafólks sem birtir pistla á vefsíðunni www.klefinn.is

Sveinbjörn er á samfélagsmiðlunum Facebook og Instagram.