Einelti í íþróttum

Einelti getur átt sér stað nánast hvar sem er og þar af leiðandi einnig innan íþróttahreyfingarinnar.

Áhrifaríkasta leið íþróttafélags til að vinna gegn einelti eru iðkendurnir sjálfir.

Þótt flest taki ekki þátt í einelti vita þau oft af því áður en fullorðnir fá upplýsingar. Mikilvægt er að virkja þennan hóp til að:

• taka afstöðu gegn einelti
• láta vita ef þau verða vitni að því
• leita til forráðamanna eða starfsfólks íþróttamannvirkis

Trúnaður og nafnleynd þurfa að vera tryggð svo börn og ungmenni treysti sér til að segja frá.

Æskilegt er að starfsfólk íþróttafélaga fái þjálfun í að þekkja einkenni eineltis og bregðast rétt við.

Í Aðgerðaráætlun gegn einelti og annarri óæskilegri hegðun má finna:

• skilgreiningu á einelti
• dæmi um helstu birtingarmyndir
• fyrirbyggjandi aðgerðir
• tillögur að verklagsreglum

Íþróttafélög geta aðlagað reglurnar að eigin starfsemi og nýtt þær sem verkfæri í daglegu starfi.

Ef grunur leikur á einelti eða annarri óæskilegri hegðun ætti að taka málið fyrir strax.

Mælt er með að á vefsíðu félags sé:

• skýrt tilkynningarblað
• einföld leið til að koma ábendingum á framfæri

Tilkynna einelti

Einnig er hægt að senda tilkynningu í gegnum vefsíðu samskiptaráðgjafa íþróttahreyfingarinnar hér: https://www.samskiptaradgjafi.is/tilkynningaform