Lengd náms
Átta vikna fjarnám.
Inntökuskilyrði
- Lágmarksaldur: 16 ár
- Grunnskólapróf
Hæfni að námi loknu
Að loknu 1. stigi getur þjálfari skipulagt og stjórnað æfingatímum fyrir börn og unglinga á byrjendastigi.
Þjálfari hefur þá:
- grundvallarþekkingu á líkamlegum, andlegum og félagslegum þroska barna og unglinga
- þekkingu á starfsemi líkamans
- skilning á helstu kennsluaðferðum
- grunnþekkingu á tækni, leikfræði og reglum í viðkomandi íþróttagrein
Uppbygging náms
Námið skiptist jafnt í:
- Almennan hluta 50%
- Sérgreinahluta 50%
Heildarumfang er 120 kennslustundir:
- 60 kennslustundir í almennum hluta
- 60 kennslustundir í sérgreinahluta
Skipulag náms
Almennur hluti er allur í fjarnámi, án staðbundinna lota.
Nám er í boði:
- á vorönn
- á sumarönn
- á haustönn
Almennur hluti 50%
Námið er að mestu bóklegt, með verklegum þáttum þar sem við á.
Helstu efnisþættir
- Hlutverk þjálfarans
Framkoma, samskipti við börn og fullorðna, stjórnun, stefnuyfirlýsingar ÍSÍ og skipulag íþróttahreyfingarinnar. - Kennsluaðferðir
Tæknikennsla, jákvæð og neikvæð gagnrýni, skipulagning og framvinda kennslu. - Þroski barna og unglinga
Líkamlegur, sálrænn og félagslegur þroski, fatluð börn og börn með sérþarfir. - Starfsemi líkamans
Vöðvar, heiti þeirra og virkni, og fleira
Námsmat
- Verkefni
- Lokaverkefni
- Úttekt á æfingum
Náms- og kennslugögn
- Gjerset, Haugen, Holmstad o.fl. Þjálffræði. Iðnú, 2020
- ICK-námsefni
- Bæklingar og/eða ítarefni frá kennara
- Myndbönd og greinar af neti
Námsgögn eru innifalin í námskeiðsgjaldi 1. stigs.
Sérgreinahluti (50%)
Sérgreinahluti er að mestu verklegur (60–70%). Öll framkvæmd er á ábyrgð viðkomandi sérsambands ÍSÍ.
Efnisþættir
- Tækni
- Leikfræði og taktík
- Skipulag æfingatíma
- Reglur og mótafyrirkomulag
- o.fl.
Námsmat
- Skriflegt próf
- Verklegt próf
Þjálfari 1 í staðnámi (1a, 1b og 1c)
Ef almennur hluti 1. stigs er kenndur í staðnámi er honum skipt í þrjá áfanga: 1a, 1b og 1c.
Þjálfari 1a – Almennur hluti
Markmið
Að loknu námskeiði getur þjálfari skipulagt og stjórnað æfingatímum fyrir börn og unglinga á byrjendastigi.
Áhersla er lögð á:
- líkamlegan og andlegan þroska barna og unglinga
- starfsemi líkamans
- grunnatriði kennslufræða
Vinnulag
Fyrirlestrar, verkefnavinna og verklegar æfingar.
Umfang
20 kennslustundir.
Þjálfari 1b – Almennur hluti
Inntak náms
Framhaldsnámskeið almenns hluta 1a, samræmt fyrir allar íþróttagreinar. Námið er að mestu bóklegt og ætlað leiðbeinendum barna í íþróttum.
Fjallað er m.a. um:
- þroskaferil barna (vaxtar- og hreyfiþroska)
- undirstöðuatriði kennslufræða
- mikilvægi rétts mataræðis
- fyrstu viðbrögð við íþróttameiðslum
Réttindi
Nemandi sem lýkur þessu námskeiði ásamt sérgreinahluta 1b fær réttindi til að þjálfa börn 12 ára og yngri undir eftirliti yfirþjálfara.
Vinnulag
Fyrirlestrar, verkefnavinna og verklegar æfingar.
Umfang
20 kennslustundir.
Þjálfari 1c – Almennur hluti
Inntak náms
Samræmt námskeið fyrir allar íþróttagreinar, að mestu bóklegt.
Áhersla er lögð á:
- starfsemi líkamans og íþróttameiðsli
- stefnu ÍSÍ í forvarnarmálum
- notkun tölvu- og upplýsingatækni við þjálfun
Skilyrði fyrir þátttöku er að hafa lokið almennum hluta 1b.
Réttindi
Nemandi sem lýkur námskeiðinu ásamt sérgreinahluta 1c fær réttindi sem þjálfari barna 12 ára og yngri.
Vinnulag
Fyrirlestrar, verkefnavinna og verklegar æfingar.
Námsmat
Skriflegt próf úr efni 1. stigs (1a, 1b og 1c).
Umfang
20 kennslustundir.
Frekari upplýsingar
Allar frekari upplýsingar um þjálfaramenntun ÍSÍ veitir
Viðar Sigurjónsson: vidar@isi.is eða í síma 5144000