Gísli Halldórsson
Forseti ÍSÍ 1962 - 1980
Heiðursforsetar ÍSÍ
Heiðursforseti ÍSÍ er titill sem veittur er fyrrverandi forsetum sem hafa haft víðtæk og varanleg áhrif á íslenska íþróttahreyfingu. Viðurkenningin endurspeglar leiðtogahlutverk þeirra og framlag til þróunar og styrkingar ÍSÍ.
F. 12. ágúst 1914, d. 8. október 2012
Gísli Halldórsson var kjörinn Heiðursforseti ÍSÍ árið 1994 eftir 18 ár sem forystumaður íþróttahreyfingarinnar. Hann var formaður Ólympíunefndar Íslands á árunum 1973-1994, en sat í nefndinni frá árinu 1951. Hann var forseti ÍSÍ frá 1962-1980.
Gísla hlotnuðust margar viðurkenningar. Hann hlaut riddarakross fálkaorðunnar 1963 og stórriddarakross fálkaorðunnar 1974, heiðursorðu Alþjóðaólympíunefndarinnar 1983 og gullorðu Heimssambands Ólympíunefnda 2002, ef nefna á nokkrar.
Ellert B. Schram
Forseti ÍSÍ 1991 - 2006
F. 10. október 1939 - d. 24. janúar 2025
Ellert B. Schram var kjörinn Heiðursforseti ÍSÍ á 68. Íþróttaþingi ÍSÍ árið 2006. Hann var kjörinn forseti Íþróttasambands Íslands árið 1991 og gegndi því embætti til ársins 2006. Þar á undan var hann formaður Knattspyrnusambands Íslands í 16 ár.
Ellert var sæmdur fjölmörgum viðurkenningum á sínum forystuferli í íþróttahreyfingunni. Hann sæmdur riddarakrossi hinnar íslensku Fálkaorðu árið 2001 fyrir störf í þágu íþrótta og hann var einnig sæmdur lárviðarsveig Evrópusambands Ólympíunefnda (EOC) árið 2018.
Lárus L. Blöndal
Forseti ÍSÍ 2013-2025
F. 5. nóvember 1961
Lárus var kjörinn Heiðursforseti ÍSÍ á 77. Íþróttaþingi ÍSÍ árið 2025. Hann var kjörinn forseti Íþrótta- og Ólympíusambands Íslands og gegndi því embætti til ársins 2025 eða í 12 ár. Áður var Lárus varaforseti ÍSÍ í sjö ár og þrjú ár sem formaður Afrekssjóðs ÍSÍ.
Lárus hefur hlotið fjölmargar viðurkenningar fyrir leiðtogastörf í íþróttahreyfingunni. Hann hlaut riddarakross hinnar íslensku Fálkaorðu árið 2018 fyrir störf í þágu íþróttahreyfingarinnar.