Ársþing Ungmennasambands Eyjafjarðar

Ársþing Ungmennasambands Eyjafjarðar fór fram í Þelamerkurskóla í Hörgársveit fimmtudaginn 9. apríl síðastliðinn. Mæting var góð og sátu alls 27 fulltrúar þingið sem er á pari við undangengin ár.

Árni Arnsteinsson, fyrrverandi formaður UMSE, gegndi hlutverki þingforseta og stýrði fundinum af festu og fagmennsku. Nokkrar tillögur lágu fyrir þinginu og vöktu þær málefnalegar og gagnlegar umræður. Flestar tillögurnar voru samþykktar í kjölfarið.

Helstu samþykktir

Meðal samþykktra tillagna var hvatningartillaga frá stjórn UMSE til aðildarfélaga um að sækja um viðurkenningu Íþrótta- og Ólympíusambands Íslands sem Fyrirmyndarfélög. UMSE er sjálft skilgreint sem Fyrirmyndarhérað ÍSÍ og vill styðja við markvissa gæðavinnu aðildarfélaganna.

Reikningar sambandsins sýndu hagnað á síðasta ári og voru þeir samþykktir samhljóða, líkt og ný fjárhagsáætlun sem einnig gerir ráð fyrir jákvæðri afkomu á komandi ári.

Verkefni sumarsins

Fram undan eru fjölbreytt verkefni og má þar sérstaklega nefna Landsmót fimmtíu plús, sem að mestu verður haldið á Hrafnagili í sumar.

Stjórn UMSE

Í stjórn UMSE sitja:

• Þorgerður Guðmundsdóttir, formaður

• Snæþór Arnþórsson, varaformaður

• Einar Hafliðason, gjaldkeri

• Jónína Heiðveig Gunnlaugsdóttir, ritari

• Kristín Torberg, meðstjórnandi

Varamenn stjórnar eru:

• Marinó Þorsteinsson

• Bjarney Anna Sigfúsdóttir

• Lilja Guðnadóttir

Fulltrúi Íþrótta- og Ólympíusambands Íslands á þinginu var Viðar Sigurjónsson, sérfræðingur á stjórnsýslusviði. Einnig sat svæðisfulltrúinn Þóra Pétursdóttir þingið.

•