Fara í efni

69. ársþing Handknattleikssambands Íslands fór fram í Virkinu 8. maí síðastliðinn. Alls mættu 52 fulltrúar frá aðildarfélögum og íþróttahéruðum og nýttu kosningarétt sinn á þinginu.

Samkvæmt frétt á heimasíðu sambandsins þá var á þinginu farið yfir starfsemi sambandsins, skýrslu stjórnar, ársreikning og fjárhagsáætlun. Ársreikningur HSÍ var samþykktur, sem og fjárhagsáætlun fyrir komandi starfsár. Þá voru ýmis mál tekin fyrir sem snúa að rekstri sambandsins, mótahaldi, landsliðsstarfi og áframhaldandi uppbyggingu handboltans hér á landi. Tillögur sem lagðar voru fyrir þingið voru einnig teknar til afgreiðslu. Nokkrar þeirra voru samþykktar en aðrar felldar niður. Þá voru einnig samþykkt þátttökugjöld og önnur þingskjöl sem lögð voru fram á þinginu. Nánari upplýsingar er að finna á upplýsingasíðu þingsins.

Kosningar fóru fram á þinginu og voru eftirtalin kjörin:

  • Gjaldkeri: Harpa Vífilsdóttir
  • Formaður landsliðsnefndar kvenna: Guðríður Guðjónsdóttir
  • Formaður mótanefndar: Kristín Þórðardóttir
  • Formaður dómaranefndar: Reynir Stefánsson
  • Varastjórn: Haddur Júlíus Stefánsson, Helga Birna Brynjólfsdóttir og Arna Grímsdóttir
  • Skoðunarmenn reikninga: Magnús Gunnar Erlendsson og Arnar Þorkelsson
  • Til vara, skoðunarmenn reikninga: Eyþór Guðjónsson og Harpa Guðfinnsdóttir
  • Dómstóll HSÍ: Bjarki Þór Sveinsson, Grímur Sigurðsson og Sigurður Smári Hilmarsson
  • Til vara, Dómstóll HSÍ: Alexander Örn Júlíusson, Birkir Smári Guðmundsson og Hildur Þorgeirsdóttir
  • Áfrýjunardómstóll: Eiríkur Elís Þorláksson, Helgi I. Jónsson og Jóhannes Albert Sævarsson
  • Til vara, áfrýjunardómstóll: Benedikt Bogason, Vala Valtýsdóttir og Þórir Haraldsson

Þorbjörg Gunnarsdóttir, var sæmd Gullmerki HSÍ fyrir sín störf innan Handknattleikssambandsins og er meðfylgjandi mynd tekin af Þorbjörgu og Jóni Halldórssyni formanni HSÍ, við afhendingu heiðursviðurkenningarinnar. Þess má geta að Þorbjörg eða Obba, eins og hún er oftast kölluð, hlaut Gullmerki ÍSÍ árið 2018. Obba var meðal annars liðsstjóri kvennalandsliðs HSÍ í 20 ár og framlag hennar til handknattleiksíþróttarinnar er mikið og ósérhlíft.

Auk þess var farið yfir þátttökugjöld, gjaldskrá og önnur mál á þinginu. Í kynningum þingsins kom meðal annars fram áhersla á áframhaldandi þróun í starfi HSÍ, þar á meðal í landsliðsstarfi, mótahaldi og stjórnsýslu sambandsins. Þinginu lauk með þingslitum að loknum umræðum, afgreiðslu mála og kosningum.