Keppnisgreinar Evrópuleikanna í Istanbúl 2027 staðfestar
Evrópska Ólympíunefndin (EOC) hefur staðfest keppnisgreinar Evrópuleikanna í Istanbúl árið 2027. Keppt verður í alls 26 íþróttagreinum þar af eru 22 ólympíugreinar sem eru á dagskrá Ólympíuleikanna í Los Angeles 2028.
Evrópuleikarnir gegna mikilvægu hlutverki í undirbúningi evrópsks íþróttafólks fyrir Ólympíuleikana í Los Angeles 2028 og skipta í ýmsum íþróttagreinum máli hvað varðar kvótapláss og stöðu í alþjóðlegum keppnum.
Evrópuleikarnir hafa farið fram þrívegis áður; í Bakú árið 2015, Minsk 2019 og Kraków–Małopólska 2023.
Á síðustu Evrópuleikum árið 2023 átti Ísland átta keppendur sem kepptu meðal annars í skotíþróttum, skylmingum, badminton og frjálsíþróttum.
Nánari upplýsingar um keppnisgreinar og fyrirkomulag Evrópuleikanna í Istanbúl 2027 má finna á vef Evrópsku Ólympíunefndarinnar: