Almennar fréttir

Í dag fór fram Virkniþing í Tjarnarsal Ráðhúss Reykjavíkur. Þingið er viðburður í Íþróttaviku Evrópu #BeActive.

Þriðjudaginn 16. september funduðu Kristín Birna Ólafsdóttir, afreksstjóri í Afreksmiðstöð Íslands, Patrekur Jóhannesson, sérfræðingur hjá Afreksmiðstöð Íslands og Andri Stefánsson, framkvæmdastjóri ÍSÍ, með Skólameistarafélagi Íslands en félagið er skipað skólastjórnendum framhaldsskólanna.

ÍSÍ birtir árlega tölfræði sem unnin er upp úr starfsskýrslunum og sýnir samtölur um ofangreinda þætti, þ.e. umfang og samsetningu hreyfingarinnar. Það er á ábyrgð félaganna að skila inn starfsskýrslu svo að rétt mynd fáist af fjölda iðkana í íþróttahreyfingunni. Nú hafa verið birtar tölfræðiupplýsingar, unnar upp úr síðustu starfsskýrslum, um starfsárið 2024.

Íþróttavika Evrópu fagnar 10 ára afmæli í ár og af því tilefni verður sannkölluð afmælishátíð í Elliðaárstöð í Elliðaárdal laugardaginn 27. september.

Ólafur Þór Ólafsson, fráfrandi formaður Knattspyrnufélagsins Reynis í Sandgerði, var sæmdur Silfurmerki ÍSÍ á 90 ára afmælishátið Reynis.

Fulltrúar Íslands tóku nýlega þátt í norrænum fundi um almennings- og fyrirtækjaíþróttir þar sem áhersla var lögð á að efla samstarf og miðla reynslu á milli landanna. Fundurinn bar yfirskriftina „Gathering Strength through Company Sport“ og fór fram með þátttakendum frá Danmörku, Svíþjóð, Noregi, Finnlandi og Íslandi.

Fundur norrænna íþrótta- og ólympíusambanda stendur nú yfir í Helsinki í Finnlandi. Fundurinn er árlegur vettvangur sambandanna til að ræða það sem helst brennur á íþróttastarfinu hverju sinni og þær áskoranir sem íþróttahreyfingin á Norðurlöndum þarf að glíma við.

Ungmennasamband Skagafjarðar (UMSS) og svæðisstöðvar íþróttahéraðanna standa fyrir viðburðinum Íþróttahátíð í Skagafirði – Allir með. Íþróttahátíðin verður í matsal Árskóla og í íþróttahúsi Sauðárkróks fimmtudaginn 11. september.

Haustfjarnám ÍSÍ í þjálfaramenntun allra stiga, 1., 2. og 3 stig, hefst mánudaginn 15. september næstkomandi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ.