Almennar fréttir

Fulltrúar ÍSÍ og UMFÍ voru á meðal þeirra sem Halla Tómasdóttir, forseti Íslands, boðaði til samtals á Bessastöðum í síðustu viku með ungu fólki og ýmsum fagaðilum. Til umræðu voru áhrif snjalltækja- og samfélagsmiðla á líf og líðan barna og ungmenna.

Willum Þór Þórsson, forseti ÍSÍ, og Andri Stefánsson, framkvæmdastjóri ÍSÍ, funduðu á föstudag með Heiðu Björgu Hilmisdóttur, borgarstjóra, um samstarf ÍSÍ og Reykjavíkurborgar.

Ólympíuhópur Íslands á Vetrarólympíuleikunum í Milano Cortina í febrúar á næsta ári mun klæðast fatnaði frá 66°Norður.

Vetrarólympíuleikarnir fara fram 6.-22. febrúar næstkomandi. Baráttan um sæti á leikunum er hörð og það mun endanlega skýrast á nýju ári hvað Ísland mun eiga marga keppendur á leikunum.

Það var sannarlega líf og fjör í Vestmannaeyjum í dag þegar grunnskólabörn í Eyjum héldu vinadag, ræstu af stað verkefnið Göngum í skólann og hlupu Ólympíuhlaup ÍSÍ.

Átaksverkefnið Göngum í skólann hefst í dag og verður formleg setning í Grunnskóla Vestmannaeyja á föstudaginn.

Ólympíuhlaup ÍSÍ var formlega sett í gær í Víkurskóla í Vík í Mýrdal. Grunnskólar um allt land geta staðið fyrir Ólympíuhlaupi ÍSÍ og skráð þátttakendur á heimasíðu ÍSÍ. Allir skólar sem skrá þátttöku komast í pott um útdráttarverðlaun þar sem hægt er að vinna 100.000 kr. gjafabréf frá Altis.

Árið 2025 stendur UN Women á Íslandi fyrir heimsherferðinni „March Forward for Gender Equality”, alþjóðlegu ákalli um að heimurinn allur og heilu samfélögin stígi fram, sameinist og geri raunverulegt jafnrétti að forgangsverkefni. Íþrótta- og Ólympíusamband Íslands tekur með stolti þátt í þessu mikilvæga verkefni, enda er jafnrétti ein grundvallarstoð alls íþróttastarfs.

Íþróttavika Evrópu (European Week of Sport) er haldin árlega dagana 23. – 30. september í yfir 30 Evrópulöndum.