Almennar fréttir

ÍSÍ, UMFÍ, ÍBR og KSÍ bjóða til málþings í dag – miðvikudaginn 7. maí kl. 17–19 í sal KSÍ á Laugardalsvelli á 3. hæð.

Í morgun hélt Daði Rafnsson kynningu á hugmyndafræði 5C fyrir sérsambönd, en kynningin fór fram í C-sal Íþróttamiðstöðvarinnar.

Hjólað í vinnuna verður sett með hátíðlegum hætti í tuttugasta og þriðja sinn, miðvikudaginn 7. maí kl. 8:30. Á dagskrá verða stutt og hressileg hvatningarávörp góðra gesta. Setningin er öllum opin og hvetjum við því þátttakendur og aðra gesti til að mæta í Tjarnarsalinn.

103. sambandsþing UMSB var haldið í Borgarnesi þann 30. apríl sl. Var þingið haldið á Hótel Vesturlandi í umsjón knattspyrnudeildar Skallagríms.

Afreksmiðstöð Íslands var formlega opnuð í Laugardalnum í dag, 5. maí. Kristín Birna Ólafsdóttir verður nýr afreksstjóri ÍSÍ og tekur við af Vésteini Hafsteinssyni, sem áfram verður ráðgjafi í Afreksmiðstöðinni.

105. ársþing UMSS (Ungmennasambands Skagafjarðar) var haldið þann 30. apríl í Húsi frítímans á Sauðárkróki. Gunnar Þór Gestsson bauð sig fram til áframhaldandi formannssetu til næstu tveggja ára sem samþykkt var samhljóða.

Framkvæmdastjórn Íþrótta- og Ólympíusambands Íslands lýsir yfir stuðningi og samstöðu með starfsfólki samskiptaráðgjafa íþrótta- og æskulýðsstarfs.​ Starf samskiptaráðgjafa var sett á laggirnar með lagasetningu eftir ákall um að einstaklingar innan íþrótta- og æskulýðsstarfs sem upplifa einelti, áreitni eða ofbeldi gætu fengið áheyrn, aðstoð og stuðning frá óháðum aðila og leitað réttar síns vegna atvika og misgerða án þess að þurfa að óttast afleiðingarnar.​

Ungmennafélagið Njarðvík fékk endurnýjun viðurkenningar sem Fyrirmyndarfélag ÍSÍ á aðalfundi félagsins í félagssal UMFN mánudaginn 28. apríl síðastliðinn.

Knattspyrnufélagið Fram fékk þann 28. apríl viðurkenningu sem Fyrirmyndarfélag ÍSÍ á aðalfundi félagsins í veislusal Fram.