Almennar fréttir

Jóhanna Íris Ingólfsdóttir lét um síðustu helgi af störfum sem formaður Ungmennafélagsins Úlfljóts eftir níu ár í formannsembættinu. Hún hefur þó ekki sagt skilið við íþróttahreyfinguna því Jóhanna starfar nú sem svæðisfulltrúi á Austurlandi ásamt Erlu Gunnlaugsdóttur.

Sambandsþing Íþróttasambands fatlaðra fór fram í Laugardalshöll laugardaginn 26. apríl. Á þinginu var Þórður Árni Hjaltested endurkjörinn formaður ÍF til næstu tveggja ára og þá voru tvö sæmd gullmerki ÍSÍ.

47. ársþing Skotíþróttasambands Íslands fór fram þann 26. apríl. Þingið sátu fulltrúar aðildarfélaga STÍ og voru þeir 33 frá níu félögum.

92. ársþing USÚ, Ungmennafélagsins Úlfljóts, var haldið á Hrollaugsstöðum í Suðursveit þann 22. apríl. Tvær heiðranir voru á þinginu og nýr formaður tók við.

ÍSÍ og UMFÍ leita að öflugum og metnaðarfullum einstaklingi með brennandi áhuga á íþróttastarfi á Íslandi til að ganga til liðs við teymi svæðisfulltrúa sem starfa víða um landið.

Búið er að opna fyrir umsóknir í Hvatasjóð íþróttahreyfingarinnar. Frestur til að skila inn umsóknum er til miðnættis 20. maí 2025.

Nú styttist í skilafrest framboða til embættis forseta og til setu í framkvæmdastjórn ÍSÍ.

81. ársþing Íþróttabandalangs Akraness, ÍA, fór fram þann 9. apríl. Jón Þór Þórðarson og Einar Örn Guðnason voru heiðraðir á þinginu og þá voru þrjár breytingar á stjórn ÍA.

Í lok síðasta árs sendu skattayfirvöld erindi á íþróttafélög þar sem forsvarsmönnum félaga, sem eiga lið í efstu og næstefstu deildum karla og kvenna í knattspyrnu og efstu deildum karla og kvenna í handknattleik og körfuknattleik, var gerð grein fyrir skyldu íþróttafélaga til þess að standa skil á staðgreiðslu og tryggingagjaldi af greiðslum til íþróttamanna og þjálfara. Skorað var á forsvarsmenn félaga að koma skilum í rétt lag til framtíðar horft.