Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
13

2018 PyeongChang


Vetrarólympíuleikarnir fara fram í PyeongChang í Suður-Kóreu frá 9.- 25. febrúar.

Pyeongchang er sýsla í Gangwon héraði. Þar búa um 45 þúsund manns. Í tengslum við Vetrarólympíuleikana 2018 er nafn hennar ritað PyeongChang til að draga úr líkum á ruglingi við borgina Pyongyang í Norður-Kóreu. Áður hafði svæðið sóst eftir að halda leikana 2010 og 2014. Er þetta í þriðja sinn sem Vetrarólympíuleikar eru haldnir í Asíu og í fyrsta sinn utan Japan. Áður hafa Vetrarólympíuleikar farið fram í 1972 í Sapporo í Japan og aftur 1998 í Nagano. PyeongChang er í um 180 km fjarlægð austur af Seúl. Meðal hæð yfir sjávarmáli er um 700 metrar – nokkuð sem íbúar telja hagfelldustu hæð fyrir manninn til að lifa í. Örfá svæði ná yfir 1.000 metra en megnið er í 700-800 metra hæð. Loftslag er rakt meginlandsloftslag með hlýjum og rökum sumrum en köldum og þurrum vetrum.





27.10.2017

Kyndill Vetrarólympíuleikanna 2018 tendraður

Þann 24. október fór fram athöfn á Panathenaic leikvanginum í Aþenu í Grikklandi, en þá var kveikt á kyndli næstu Vetrarólympíuleika. Leikarnir fara fram í PyeongChang í Suður-Kóreu í febrúar 2018. Markar þetta upphafið að kyndilhlaupi sem fram fer um alla Suður-Kóreu og endar á setningarhátíð leikanna þann 9. febrúar. Hér má sjá myndband frá því þegar kveikt var á kyndlinum.
Nánar ...
21.09.2017

Verðlaunapeningar PyeongChang 2018

XXIII Vetrarólympíuleikarnir fara fram í PyeongChang í Suður- Kóreu 9. - 25. febrúar 2018. Verðlaunapeningarnir, sem afhentir verða því íþróttafólki sem kemst á verðlaunapall á leikunum, voru kynntir á dögunum á hátíð sem haldin var í Seoul við tilefnið.
Nánar ...
06.03.2017

ÍSÍ boðið formlega til þátttöku í PyeongChang 2018

Alþjóðaólympíunefndin sendi nýlega öllum ólympíunefndum formlegt boð til þátttöku í XXIII Vetrarólympíuleikunum í PyeongChang í Suður- Kóreu 9. - 25. febrúar 2018. Lárus L. Blöndal forseti ÍSÍ staðfesti þátttöku Íslands á framkvæmdastjórnarfundi ÍSÍ 2. mars sl.​
Nánar ...
09.02.2017

1 ár til PyeongChang 2018

Í dag er eitt ár þar til ​XXIII Vetrarólympíuleikarnir fara fram í borginni PyeongChang í Suður Kóreu dagana 9. til 25. febrúar 2018. Verður það í annað sinn sem Suður Kórea heldur Ólympíuleika, en sumarleikarnir 1988 fóru fram í Seoul. Þetta verða þriðju Vetrarólympíuleikarnir í Asíu, en Japan hefur tvívegis haldið vetrarleika, Sapporo 1972 og Nagano 1998.
Nánar ...
07.02.2017

Fundur aðalfararstjóra vegna PyeongChang 2018

Næstu Vetrarólympíuleikar fara fram í PyeongChang í Suður Kóreu í febrúar 2018.​ Í síðustu viku fór fram fundur aðalfararstjóra Ólympíunefnda og sótti Andri Stefánsson, sviðsstjóri Afreks- og Ólympíusviðs ÍSÍ, fundinn fyrir hönd ÍSÍ, en framkvæmdastjórn ÍSÍ útnefndi hann í hlutverk aðalfararstjóra nýverið.
Nánar ...