Beint á efnisyfirlit síðunnar

Á döfinni

29

18. nóvember helgaður vernd barna gegn kynferðislegu ofbeldi

18.11.2015Evrópuráðið hefur ákveðið að 18. nóvember sé helgaður vernd barna gegn kynferðislegu ofbeldi og hafa af því tilefni styrkt gerð 3ja mínútna myndbands á íslensku um málefnið.

Stýrihópur ráðuneyta velferðar, innanríkis og mennta- og menningarmála um aðgerðir gegn ofbeldi og afleiðingum þess hafa farið þess á leit við grunnskóla, stofnanir og félagasamtök að vekja athygli á forvörnum gegn kynferðislegu ofbeldi.
Barnaverndarstofa og umboðsmaður barna hvetja til þess að myndin verði sýnd sem víðast. Þannig stuðlum við að aukinni  umræðu og samfélagsvitund um kynferðislegt ofbeldi.
Myndbandið sem greint er frá hér að ofan má finna hér

ÍSÍ gaf út bækling um forvarnir gegn kynferðislegu ofbeldi í íþróttum haustið 2013 og er hann að finna hér.
Tökum höndum saman og helgum 18. nóvember vernd barna gegn kynferðislegu ofbeldi.