Beint á efnisyfirlit síðunnar

Á döfinni

29

Dagur sjálfboðaliðans

07.12.2015

Árlega er 5. desember helgaður sjálfboðaliðum um heim allan. Íþróttahreyfingin á Íslandi er rík af sjálfboðaliðum sem bera uppi starf hreyfingarinnar og sinna mikilvægum verkefnum öllum stundum til að íþróttalífið megi blómstra og dafna í landinu.

Í aðdraganda Smáþjóðaleikanna í júní síðastliðnum þá leitaði Íþrótta- og Ólympíusamband Íslands til þjóðarinnar um aðstoð við undirbúning og framkvæmd leikanna. Það stóð ekki á svörum og um 1200 manns skráðu sig sem sjálfboðaliða til starfa við undirbúning og framkvæmd leikanna. Margar hendur vinna létt verk og ljóst er að engir leikar hefðu farið fram ef ekki hefði komið til dyggrar aðstoðar allra þessara sjálfboðaliða. Þeir unnu frábært starf við undirbúning og framkvæmd leikanna og er ÍSÍ þeim afar þakklátt fyrir stuðninginn og áhugann sem þeir sýndu verkefninu.