Beint á efnisyfirlit síðunnar

Á döfinni

24.07.2020 - 09.08.2020

Tókýó 2020

Ólympíuleikarnir árið 2020 fara fram 24.júlí...
16

Minsk 2019 – Ásgeir fánaberi á setningarhátíðinni

20.06.2019

Setningarhátíð Evrópuleikanna fer fram á Dinamo leikvanginum í Minsk föstudagskvöldið 21. júní. Ásgeir Sigurgeirsson keppandi í skotfimi verður fánaberi íslenska hópsins. Ásgeir er fæddur 2. september 1985 og er því á 34. aldursári. Hans keppnisgrein á leikunum er 10m loftskammbyssukeppnin en Ásgeir keppti í henni á fyrstu Evrópuleikunum í Bakú 2015 og lauk keppni þá í 22. sæti. Á þeim leikum keppti Ásgeir einnig í frjálsri skammbyssu og náði þar bestum árangri Íslendinga á leikunum er hann komst í úrslit og endaði í 5. sæti. Ásgeir keppti á Ólympíuleikunum í London 2012, í þessum tveimur skammbyssugreinum og hefur staðið sig vel á erlendum vettvangi á undanförnum árum.

Dinamo leikvangurinn í miðborg Minsk hefur verið endurbyggður og lauk þeim framkvæmdum um mitt síðasta ár. Er völlurinn hinn glæsilegasti og má búast við frábærri setningarhátíð. Hátíðin hefst með forsýningu kl. 21:00 að staðartíma og kl. 22:00 hefst svo hin formlega setningarhátíð sem stendur yfir í rúmar tvær klukkustundir.

Dagskrá íslensku keppendanna má sjá hér í frétt á vefsíðu ÍSÍ.

Vefsíðu Evrópuleikanna má sjá hér.

Evrópuleikarnir eru einnig á Facebook

#EuropeanGames
#Minsk2019
#BrightYearBrightYou
#InspiringSportInEurope