Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
01.10.2026 - 28.11.2019

YOG 2022 - Dakar

Næstu Ólympíuleikar ungmenna (YOG) fara fram...
21.07.2028 - 28.11.2019

LA 2028

Ólympíuleikarnir fara fram í Los Angeles 21...
10

Felix námskeið í vikunni

11.02.2014

Tvö námskeið verða haldin hjá sambandsaðilum ÍSÍ í þessari viku þar sem farið verður yfir starfsskýrsluferlið í Felix, félagakerfi íþróttahreyfingarinnar.  Fyrra námskeiðið verður miðvikudaginn 12. febrúar í Selinu á Selfossi og hefst kl. 19.00 en síðara námskeiðið verður á Kirkjubæjarklaustri fimmtudaginn 13. febrúar og hefst kl. 17.00.  Nánari upplýsingar um námskeiðið á Kirkjubæjarklaustri er hægt að fá hjá USVS - www.usvs.is

Námskeiðin, sem eru í c.a. 2-3 klst., hefjast með stuttri kynningu á Felix kerfinu.  Í framhaldi af því er gert ráð fyrir að þátttakendur skrái sig inn í kerfið og hefji vinnu í starfsskýrsluhlutanum.  Verkefnastjóri Felix gengur svo á milli og aðstoðar við þá vinnu. Þátttakendur verða að koma með eigin tölvur og þurfa að koma með þau gögn sem eru til staðar fyrir vinnslu á starfsskýrslum (félagatal, iðkendatal, stjórnarupplýsingar og ársreikning ef hann er tilbúinn og samþykktur). Námskeiðin eru þátttakendum að kostnaðarlausu.

Fyrir þá sem ekki þurfa aðstoð við starfsskýrsluskil er hægt að nota tímann til að skoða aðra hluti kerfisins, sem fólk er í vandræðum með.

Vonast er til að aðildarfélögin sendi sína fulltrúa á námskeiðin, ekki síst ef nýtt fólk er að koma að gerð starfsskýrslna.