16.04.2014Vorfjarnámi á fyrstu þremur stigum þjálfaramenntunar ÍSÍ er nú lokið.  Um 50 nemendur luku námi á þessari önn.  Nemendur eru búsettir víða um landið og koma frá fjölmörgum íþróttagreinum.  Námið á þessum stigum ÍSÍ er almennur hluti þekkingar íþróttaþjálfara og gildir því jafnt fyrir allar íþróttagreinar.  Meðal þess sem kennt er á þessum námskeiðum er kennslufræði íþrótta, íþróttasálfræði, forvarnir og meðhöndlun íþróttameiðsla, íþróttastjórnun, áhrif, gildi og aðferðir við þolþjálfun, kraftþjálfun, snerpuþjálfun, hraðaþjálfun og liðleikaþjálfun, uppbygging líkamans, orkumyndun, næringarfræði o.fl.  Sérgreinahluta námsins sem lýtur að hverri íþróttagrein fyrir sig taka þjálfararnir hjá viðkomandi sérsambandi ÍSÍ hverju sinni.  Námið hefur verið afar vinsælt undanfarin ár og verður að sjálfsögðu áfram í boði enda miklar kröfur gerðar í samfélaginu almennt til fagþekkingar íþróttaþjálfara.  Sumarfjarnám ÍSÍ á fyrstu þremur stigum þjálfaramenntunarinnar verður auglýst í maí/júní og mun líklega hefjast seinni partinn í júní.  Allar frekari upplýsingar um þjálfaramenntun ÍSÍ gefur Viðar Sigurjónsson Skrifstofustjóri ÍSÍ á Akureyri.