Beint á efnisyfirlit síðunnar

Á döfinni

27.11.2020 - 28.11.2020

Ársþing LH 2020

Ársþing Landssambands hestamannafélaga verður...
15.05.2021 - 15.05.2021

Ársþing ÍBH 2020

Ársþing Íþróttabandalags Hafnarfjarðar verður...
23.07.2021 - 08.08.2021

Tókýó 2020

Ólympíuleikunum í Tókýó 2020 hefur verið...
26

Verðlaunaafhending Hjólum í skólann 2014

25.09.2014

Verðlaunaafhending Hjólum í skólann 2014 fór fram mánudaginn 22. september í höfuðstöðvum ÍSÍ við Engjateig. Boðið var upp á léttar veitingar og Ingibjörg B. Jóhannesdóttir úr stjórn Almenningsíþróttasviðs veitti viðstöddum verðlaunahöfum viðurkenningar. 

Myndir frá verðlaunaafhendingunni má finna á facebook undir „Hjólum í skólann“.
Úrslitin má finna hér

Hjólum í skólann fór fram í annað sinn í ár dagana 12. – 16. september. Alls tóku 19 framhaldsskólar þátt. Þátttakendur voru alls 1.236 og hjólaðir voru 12.528 km eða 9,36 hringir í kringum Ísland. Við það sparaðist rúmlega 2.004,2 kg af útblæstri CO2, rúmlega 1.000 lítrar af bensíni og rúmlega 300.000 kr. í bensínkostnað. Þess má geta að eitt tré á Íslandi kolefnisjafnar 2 kg af CO2 og hefði því þurft 1000 tré til að kolefnisjafna þessi 2.000 kg af útblæstri CO2.

Ferðamáti þátttakenda skiptist svona: hjólað 65,6%, strætó/ganga 19,4%, ganga 11,9%, strætó/hjólað 2,0%, hlaup 1,0%, annað 0,2% og línuskautar 0%.

Til gamans má geta þess að mikil aukning hefur orðið á þeim sem völdu að hjóla í skólann frá því í fyrra, frá 37,9% í 65,6%.

Markmið verkefnisins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta meðal nemenda og starfsmanna framhaldsskólanna.

Á meðan að verkefninu stóð var dregið úr skráðum þátttakendum og gátu þeir unnið hjólatösku með viðgerðasetti. Síðasta daginn var dregið út glæsilegt TREK reiðhjól að verðmæti 100.000 kr frá hjólreiðaversluninni Erninum. Auk þess gátu tveir heppnir einstaklingar unnið 25.000 kr snertilaust kreditkort frá Valitor með því að taka mynd og setja á Instagram og merkja með #hjolumiskolann

Hjólum í skólann er samstarfsverkefni Íþrótta- og Ólympíusambands Íslands, Hjólafærni á Íslandi, Embætti landlæknis, Reykjavíkurborgar, Samgöngustofu og Sambands Íslenskra framhaldsskólanema. ÍSÍ þakkar samstarfsaðilum kærlega fyrir gott samstarf og stuðninginn.

Að auki þakkar ÍSÍ Erninum, Valitor og FM957 fyrir þeirra framlag og samstarf, sem og öllum nemendum og starfsmönnum framhaldsskólanna.