Beint á efnisyfirlit síðunnar

Á döfinni

27.11.2020 - 28.11.2020

Ársþing LH 2020

Ársþing Landssambands hestamannafélaga verður...
15.05.2021 - 15.05.2021

Ársþing ÍBH 2020

Ársþing Íþróttabandalags Hafnarfjarðar verður...
23.07.2021 - 08.08.2021

Tókýó 2020

Ólympíuleikunum í Tókýó 2020 hefur verið...
27

Gullsamstarfsaðilar Smáþjóðaleika 2015

01.12.2014

Í dag, 1. desember, skrifaði ÍSÍ undir samstarfssamning við Gullsamstarfsaðila Smáþjóðaleikanna 2015. Lárus Blöndal forseti ÍSÍ og Líney Rut Halldórsdóttir framkvæmdastjóri ÍSÍ skrifuðu undir samstarfssamninga ásamt fulltrúum fyrirtækjanna. Fyrirtækin sem eru Gullsamstarfsaðilar leikanna eru Advania, Askja, Bílaleiga Akureyrar Europcar, Eimskip, Icelandair Group, Íslandsbanki, Vífilfell og ZO-ON. 

Hönnuðirnir Elsa Nielsen og Logi Jes Kristjánsson, sem hönnuðu bæði merki leikanna og lukkudýr leikanna, kynntu lukkudýrið til leiks með því að segja frá hugmyndinni á bak við lukkudýrið og sýna teiknimyndasögu um fæðingu þess. Tvö lukkudýr mættu síðan í bíóið og skemmtu áhorfendum með flottri sýningu og sátu fyrir á myndatökum. Lukkudýr leikanna er nafnlaust og því verður efnt til nafnasamkeppni á næstu vikum. Formið á nafnasamkeppninni verður kynnt síðar.

Undirritun samninganna og kynningin á lukkudýrinu fór fram í Laugarásbíó, þar sem sýndar voru auglýsingar fyrirtækjanna ásamt því að fulltrúar fyrirtækjanna fengu mynd af sér með lukkudýri leikanna. Jói G. var kynnir dagsins og fór á kostum í því hlutverki.

ÍSÍ þakkar öllum sem komu að þessum flotta degi.