Beint á efnisyfirlit síðunnar

Á döfinni

08.06.2020 - 08.06.2020

Ársþing ÍA 2020

Ársþing Íþróttabandalags Akraness verður...
4

Verðlaun afhent í netratleik Forvarnardagsins

08.12.2014Þó að talsvert sé liðið frá Forvarnardegi forseta Íslands þá voru afhent verðlaun í netratleik verkefnisins síðast liðinn föstudag. Verðlaunaafhendingin fór fram á Bessastöðum og urðu þrjú ungmenni hlutskörpust í leiknum og fengu spjaldtölvu í verðlaun ásamt viðurkenningarskjali frá forsetaembættinu.

Vinningshafar voru þau Ásdís Ægisdóttir úr Hörðuvallaskóla í Kópavogi, Bragi Þór Eggertsson úr Hlíðaskóla í Reykjavík og Leó Snær Róbertsson úr Vallaskóla á Selfossi. Öll stunda þau nám í 9.bekk.

Að Forvarnardeginum standa forseti Íslands, Samband íslenskra sveitarfélaga, Reykjavíkurborg, UMFÍ, Skátarnir, HÍ og HR ásamt ÍSÍ. Stuðningsaðili verkefnisins er lyfjafyrirtækið Actavis. Fulltrúar þessara stofnanna og félagasamtaka mættu á Bessastaði ásamt verðlaunahöfum og fjölskyldum þeirra. Eftir verðlaunaafhendingu var boðið upp á kaffi og með því.