Beint á efnisyfirlit síðunnar

Á döfinni

27.11.2020 - 28.11.2020

Ársþing LH 2020

Ársþing Landssambands hestamannafélaga verður...
26

Ríó 2016 - Annar keppnisdagur framundan

07.08.2016

Framundan er annar keppnisdagurinn á Ólympíuleikunum í Ríó. Er dagurinn einn af þeim stærri á leikunum hvað íslenska keppendur varðar.

Fyrsti íslenski keppandi dagsins er Eygló Ósk Gústafsdóttir sem syndir í undanriðlum 100 metra baksunds kl. 13.08 að brasilískum tíma (16.08 á Íslandi). Eygló er á sjöundi braut í þriðja riðli af fimm.

Hrafnhildur Lúthersdóttir stingur sér svo til sunds í 100 metra bringusundi kl. 14.06 að brasilískum tíma (17.06 á Íslandi). Hrafnhildur syndir á sjöttu braut í sjötta og síðasta riðli.

Þeir sextán keppendur með bestu tímana úr undanriðlunum taka svo þátt í undanúrslitariðlum sem syntir verða seinna í kvöld. Milliriðlarnir í bringusundinu hefjast (á íslenskum tíma) kl. 01.24 í nótt og baksundinu kl. 02:29

Irina Sazonova keppir svo í áhaldafimleikum kvenna í fjórða hóp af fimm kl. 17.30-19.00 (20.30-22.00 á íslenskum tíma). Í sama hópi keppir Eyþóra Þórsdóttir fyrir hönd Hollands. Hægt er að fylgjast með beinum útsendingum frá viðburðum dagsins hjá RÚV, fimleikakeppnin verður send á RÚV2.