Beint á efnisyfirlit síðunnar

Á döfinni

27.11.2020 - 28.11.2020

Ársþing LH 2020

Ársþing Landssambands hestamannafélaga verður...
15.05.2021 - 15.05.2021

Ársþing ÍBH 2020

Ársþing Íþróttabandalags Hafnarfjarðar verður...
23.07.2021 - 08.08.2021

Tókýó 2020

Ólympíuleikunum í Tókýó 2020 hefur verið...
25

Lokahluti skýrslu WADA kominn út

12.12.2016

Þann 9. desember kom út lokahluti McLaren-skýrslunnar um lyfjam­is­notk­un íþrótta­fólks í Rússlandi, en Rich­ard McLar­en höf­und­ur skýrsl­unn­ar var ráðinn af Alþjóðalyfja­eft­ir­lit­sstofnuninni (WADA) til verks­ins. Alþjóðalyfjaeftirlitsstofnunin gaf út yfirlýsingu samdægurs þar sem hún staðfestir niðurstöðu McLaren. Fyrri hluti skýrslunnar kom út í júlí sl. Í nýju skýrslunni seg­ir að yfir 1.000 Rúss­ar hafi með aðstoð ríkisins nýtt sér efni á bannlista WADA til að auka ár­ang­ur sinn í íþróttum á ár­un­um 2011-2015. Ljóst er að íþrótta­fólkið notaði bönnuð efni samkvæmt rík­is­styrktri áætl­un. Fjór­ir verðlauna­haf­ar frá Vetr­arólymp­íu­leik­un­um í Sochi 2014 og fimm verðlaunahafar frá Ólymp­íu­leik­un­um í London 2012 eru þeirra á meðal.

McLaren seg­ir í skýrslunni að um sé að ræða lyfjam­is­notk­un­ af stærðargráðu sem ekki áður hefur þekkst. Ljóst er að um eins konar stofnun hafi verið að ræða, sem vann að því að búa til verðlauna­hafa, og mikið var lagt upp úr því að halda öllu leyndu. Í skýrsl­unni kemur einnig fram að síðan hneykslið kom upp hafi lyfjaeftirliti Rússa verið breytt og að þeir séu að reyna að bregðast við með auknu ­eft­ir­liti.