Beint á efnisyfirlit síðunnar

Á döfinni

28

Vegabréf íþróttamannsins

29.11.2019
Þriðjudaginn 3. desember mun Lasse Bækken frá Lyfjaeftirliti Noregs (Anti-Doping Norway) halda hádegisfyrirlestur undir yfirskriftinni: Vegabréf íþróttamannsins. Fyrirlesturinn fer fram í húsakynnum ÍSÍ, Engjavegi 6, 104 Reykjavík (D-sal – 3. hæð) og hefst kl 12:00 – verður honum lokið fyrir kl. 13.

Tilgangur „vegabréfs íþróttamannsins“, e. Athlete Biological Passport (ABP), er að fylgjast með ákveðnum líffræðilegum breytum hjá íþróttafólki sem gætu bent til eða staðfest lyfjamisferli, án þess að það komi fram við hefðbundna greiningu sýna. Þannig getur ABP hjálpað til við að upp kemst um lyfjamisferli þó að niðurstaða lyfjaprófs sé neikvæð. Í fyrirlestrinum verður komið inná hvernig ABP getur nýst í flestöllum íþróttagreinum, hverjar kröfurnar eru núna og líkleg þróun næsta áratuginn. Óhjákvæmlega verður komið inná lyfjahneykslið sem enn er í gangi og tengist rússneskum yfirvöldum.

Fyrirlesturinn er sniðin að þeim aðilum sem hafa á einhvern hátt, beint eða óbeint, með lyfjamál og/eða fræðslumál að gera hjá sérsamböndum/nefndum innan ÍSÍ sem og íþróttafólki. Að sjálfsögðu eru auk þess allir velkomnir sem hafa áhuga á.