Beint á efnisyfirlit síðunnar

Á döfinni

15.05.2021 - 15.05.2021

Ársþing ÍBH 2020

Ársþing Íþróttabandalags Hafnarfjarðar verður...
23.07.2021 - 08.08.2021

Tókýó 2020

Ólympíuleikunum í Tókýó 2020 hefur verið...
2

Íþróttamaður ársins fer fram í kvöld

28.12.2019

Íþrótta- og Ólympíusamband Íslands afhendir viðurkenningar til íþróttakvenna og íþróttamanna sérgreina íþrótta í kvöld, þann 28. desember, í Silfurbergi í Hörpu. Hófið er haldið með Samtökum íþróttafréttamanna, sem velja Íþróttamann ársins 2019. Afhending viðurkenninga íþróttafólks sérsambanda fer fram í beinni útsendingu á RÚV2 frá kl. 18:00. Bein útsending frá kjöri íþróttamanns ársins fer fram frá kl. 19:40 á RÚV. Íþróttamaður ársins er nú kjörinn í 64. sinn en þjálfari og lið ársins í áttunda sinn.

Útnefnt verður í Heiðurshöll ÍSÍ. Heiðurshöll ÍSÍ er óáþreifanleg höll afreksíþróttafólks og afreksþjálfara Íslands, í ætt við Hall of Fame á erlendri grundu. Framkvæmdastjórn ÍSÍ útnefnir einstaklinga í Heiðurshöll ÍSÍ eftir reglugerð þar að lútandi og er Heiðursráð ÍSÍ ráðgefandi aðili varðandi tilnefningar. Með þessu verkefni vill ÍSÍ skapa vettvang til að setja á frekari stall framúrskarandi fólk og skapa minningar í máli og myndum af þeirra helstu afrekum. Heiðurshöll ÍSÍ má sjá á vefsíðu ÍSÍ hér.

Hægt er að fylgjast með hátíðinni á Instagram síðu ÍSÍ, @isiiceland, #Íþróttamaðurársins2019