Þriðju Evrópuleikarnir verða haldnir árið 2023 í borginni Krakow í Póllandi. Áður hafa leikarnir verið haldnir í Bakú í Aserbaídsjan árið 2015 og Minsk í Hvíta-Rússlandi árið 2019. Fyrir skemmstu áttu fulltrúar aðstandenda leikanna fund með Evrópsku Ólympíunefndunum. Þar var farið yfir hugmyndafræði leikanna og tillögur að keppnisgreinum voru lagðar fram. Við val á íþróttagreinum var horft til þess að sem flestar gæfu keppnisrétt á Ólympíuleikana í París sem fram fara árið 2024. Ekki er um endanlegan lista að ræða þar sem lokaviðræður eru eftir um útfærslu við viðeigandi Evrópsk og Alþjóðleg sérsambönd.

Alls eru 23 íþróttir á greinalistanum, eru þær:

Bogfimi                Karfa 3x3        Sundfimi               Grísk-rómversk glíma (wrestling)

Badminton            Break dans        Kanó                    Hjólreiðar (fjalla- og götu)

Skylmingar            Fimleikar        Judo                      Rúgbí (7manna)

Fjallahlaup            Skotíþróttir     Klifur                    Nútíma fimmtarþraut

Þríþraut               Borðtennis         Lyftingar               Skíðastökk-sumar                  

Karate               Strandhandbolti    Blak (og strandblak)

Nánari upplýsingar um Evrópuleikana má sjá á vefsíðunni Eurolympic.org.