Beint á efnisyfirlit síðunnar

Á döfinni

28

Fundur með borgarstjóra Tama City

21.07.2021

Í morgun fundaði Hiroyuki Abe, borgarstjóri Tama City, með íslenska hópnum sem staddur er í æfingabúðum í Tama í undirbúningi fyrir Ólympíuleikana.
Fundurinn var veffundur en íslenski hópurinn í Tama var saman í sal. Á fundinum ávarpaði Abe íslenska hópinn og óskaði góðs gengis. Stefán Haukur Ólafsson, sendiherra Íslands í Japan, tók einnig þátt í fundinum auk Andra Stefánssonar aðalfararstjóra íslenska hópsins. Íþróttamennirnir sem dvelja í Tama City við æfingar, þau Snæfríður Sól Jórunnardóttir sundkona og Guðni Valur Guðnason frjálsíþróttamaður, 
ræddu við borgarstjórann og sögðu frá upplifun sinni af Tama og væntingum sínum til leikanna.

Vel fer um íslenska hópinn í Tama og nýta keppendur tímann vel í lokaundirbúning fyrir leikana.

Myndir með frétt