Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
01.10.2026 - 28.11.2019

YOG 2022 - Dakar

Næstu Ólympíuleikar ungmenna (YOG) fara fram...
21.07.2028 - 28.11.2019

LA 2028

Ólympíuleikarnir fara fram í Los Angeles 21...
29

EM kvenna í knattspyrnu - Lestrarátak og menningarkynning

22.06.2022

Nú styttist í þátttöku íslenska kvennalandsliðsins á EM í knattspyrnu. Án efa eru margir orðnir spenntir fyrir mótinu og hlakka til að fylgjast með „stelpunum okkar” spreyta sig. Laugardaginn 25. júní nk. kl. 11:00 verður opin landsliðsæfing hjá liðinu á Laugardalsvelli  þar sem stuðningsmenn geta m.a. fengið eiginhandaráritanir liðsmanna.

Á vef stjórnarráðsins í gær kom fram að ráðist verður í lestrarátak og menningarkynningu í tengslum við þátttöku Íslands á EM. Ríkisstjórnin mun styrkja verkefnið um 10 m.kr. af ráðstöfunarfé sínu.
Lestrarátak meðal barna vegna þátttöku Íslands á Evrópumótinu verður með svipuðu sniði og skipulagt var í tengslum við Heimsmeistaramót karla árið 2018.

Á síðustu stórmótum landsliða Íslands í knattspyrnu hafa verið skipulagðir menningarviðburðir af hálfu ríkisins. Að þessu sinni mun íslenska liðið leika í Manchester og Rotherham í riðlakeppninni en á báðum stöðum verða sett upp sérstök stuðningsmannasvæði þar sem íslenskt tónlistarfólk mun troða upp.  Að auki veður boðið upp á ritsmiðju fyrir börn.

Evrópumótið fer fram dagana 6. – 31. júlí en fyrsti leikur Íslands í riðlakeppninni er gegn Belgíu þann 10. júlí í Manchester. Ísland mætir svo Ítalíu í sömu borg þann 14. júlí og Frakklandi 18. júlí en sá leikur verður í Rotherham.

Mynd/KSÍ.