Ungmennasamband Austur-Húnvetninga fékk viðurkenningu sem Fyrirmyndarhérað ÍSÍ á ársþingi sambandsins fimmtudaginn 23. mars síðastliðinn.  USAH er 10. íþróttahéraðið sem hlýtur þessa viðurkenningu frá ÍSÍ.  Það var Andri Stefánsson framkvæmdastjóri ÍSÍ sem afhenti Snjólaugu M. Jónsdóttur formanni USAH viðurkenninguna.  Á myndinni eru þau Andri og Snjólaug.

„Við viljum geta unnið eftir skýrum og afmörkuðum stefnum og verkferlum í okkar starfi.  Það auðveldar okkur ekki bara starfið heldur geta aðildarfélög USAH gengið að því sem vísu að starf okkar sé eins og best verður á kosið og sé sinnt af ábyrgð“, sagði Snjólaug M. Jónsdóttir formaður USAH af þessu tilefni.