Í tengslum við nýafstaðna Smáþjóðaleika stóðu skipuleggjendur og skólayfirvöld á Möltu fyrir verkefni fyrir börn á grunnskólaaldri. Var verkefnið unnið í samstarfi við skólayfirvöld hjá þátttökuþjóðunum níu sem standa að Smáþjóðaleikunum, þ.e. Andorra, Íslandi, Möltu, Mónakó, Kýpur, Lúxemburg, Lichtenstein, San Marínó og Svartfjallalandi.

Í maímánuði hafa nemendur í 6. bekk í Laugarnesskóla unnið ötullega að verkefnunum um Ísland, íþróttir á Íslandi og þátttöku Íslands á Smáþjóðaleikunum og staðið svo í framhaldinu fyrir kynningum fyrir nemendur á sama aldri á Möltu. Nemendur á Íslandi kynntu sín verkefni fyrir nemendahópum á Möltu og nemendur á Möltu kynntu sín verkefnin sín fyrir krökkunum í Laugarnesskóla á rafrænu formi.

Meðfylgjandi eru myndir frá hópunum í 6. bekk Laugarnesskóla við kynningarnar sínar.