Undirbúningur fyrir Ólympíuleikana í Los Angeles 2028 er kominn á fullt og miðasöluferlið hafið.

Leikarnir verða haldnir dagana 14.–30. júlí 2028 og það má búast við stórkostlegri íþróttahátíð með ógleymanlegum viðburðum. Fyrsta skrefið fyrir alla sem vilja tryggja sér möguleika á miðum er að skrá sig í miðapottinn, sem er nú opinn til 18. mars 2026.

⭐ Hvernig er miðaferlið?

Miðaferlið byggir á útdráttarkerfi, sem auðveldar dreifingu miða og tryggir sanngjarnt aðgengi:

1. Þú skráir þig í miðapott.
2. Útdráttur velur handahófskennt hverjir fá að kaupa fyrst.
3. Þeir sem eru dregnir fá 48 klst. bókunarglugga (time slot).
4. Þú kaupir miða á meðan sá gluggi er opinn.
5. Ef þú færð útdeildan ekki bókunarglugga núna helst skráningin þín áfram í næstu útdrætti.

Hérna getur þú lesið nánar um miðasölu leikanna: Miðasala leikanna

⭐ Leiðbeiningar skref fyrir skref

1. Skráning í miðapott

• Stofnaðu aðgang á LA28 vefsíðunni: Stofna aðgang
• Skráðu þig í miðapottinn: Skráning í miðapott LA 2028
• Skráning er ókeypis, óbindandi og fyrsta skrefið til að fá sölutíma í apríl 2026.

2. Undirbúningur áður en bókunargluggi opnar – mikilvæg atriði

Þegar þú ert dregin/dreginn út færðu aðeins 48 klukkustundir til að ganga frá miðakaupum.
Góður undirbúningur tryggir að þú nýttir tímann sem best þegar bókunarglugginn opnast.

🔹 Kynntu þér dagskrá leikanna

– Veldu hvaða íþróttir og viðburði þú vilt helst sjá.
– Skoðaðu hvaða dagar henta þér og hafðu varaáætlun ef uppáhaldsviðburðirnir seljast hratt.

🔹 Skoðaðu staðsetningar og ferðatíma milli keppnisstaða

– Los Angeles er stór og dreifð borg.
– Athugaðu hvort tíminn nægi til að fara á fleiri en einn viðburð sama dag.
– Skipuleggðu hvaða svæði borgarinnar henta miðað við ferðadaga.

🔹 Athugaðu miðaverð

– Vinsælustu greinar eru oft dýrastar.

🔹 Hafðu greiðsluupplýsingar tilbúnar

– VISA er eini samþykkti greiðslumátinn.
– Athugaðu gildistíma, heimildir og að kortið sé virkt fyrir alþjóðleg kaup.

🔹 Búðu til einfaldan “miðalista”

– 1. forgangur (draumaviðburðir)
– 2. forgangur (góðir valkostir)
– 3. forgangur (ef annað selst upp)

⭐ Af hverju skiptir undirbúningur svona miklu máli?

Þegar bókunarglugginn opnast getur sumt selst upp á mínútum.
Ef þú ert búin/n að ákveða hvað þú vilt og hvað hentar þér, minnkar stress og eykst líkur á að þú fáir það sem þú sækist eftir.

3. Fylgstu með tölvupóstinum þínum

• Tölvupóstar um útdrátt berast 31. mars – 7. apríl 2026.
• Athugaðu ruslpóst – svona póstur lendir oft þar.
• Í póstinum færðu 48 klst. sölugluggann þinn.

4. Kaup á miðum

• Veldu þá viðburði sem þú vilt fara á.
• Hámarkskaup eru um 12 miðar á mann.
• Greiðslur fara fram með VISA.
• Ljúktu kaupunum innan 48 klst.

🔄 Ef þú færð ekki sölutíma í fyrsta útdrætti

• Skráningin þín heldur áfram í næstu útdrætti — engin þörf er á að skrá sig aftur.
• Nokkrir miðasölufasar verða í boði fram að leikunum.

⭐ VIP pakkar

• On Location býður upp á ferðapakka og VIP-þjónustu fyrir þá sem vilja sérsniðna upplifun.

 Paralympics 2028

• Miðasalan opnar árið 2027.