Beint á efnisyfirlit síðunnar

Á döfinni

17

06.03.2019

Ólympíulið flóttafólks

Ólympíulið flóttafólksNæstu Ólympíuleikar fara fram í Tókýó 24. júlí til 9. ágúst 2020. Á leikunum munu 11.000 íþróttamenn keppa í 33 íþróttagreinum. Fimm íþróttagreinum hefur verið bætt við keppnisdagskrána frá síðustu leikum sem fóru fram í Ríó í Brasilíu 2016, en það eru hafnabolti og mjúkbolti, karate, hjólabretti, íþróttaklifur (sports climbing) og brimbrettabrun. Sjá má íþróttagreinarnar sem keppt verður í hér og dagskrá leikanna má sjá hér.
Nánar ...
06.03.2019

Hetjur Ólympíuleika í þáttaröð á Ólympíustöðinni

Hetjur Ólympíuleika í þáttaröð á Ólympíustöðinni Ólympíustöðin er ókeypis vettvangur sem sýnir beint frá íþróttaviðburðum og býður upp á þáttaraðir tileinkaða íþróttum og íþróttafólki allt árið um kring. Stöðin leggur áherslu á afreksíþróttafólk og þeirra leið að meiri árangri. Árið 2017 hóf Ólympíustöðin göngu þáttanna „Goðsagnir lifa“ (Legends Live On), en í fyrstu þáttaröðinni var fjallað um hetjur Ólympíuleika eins og fimleikakonuna Nadia Comaneci, sundmanninn Ian Thorpe og snjóbrettakappann Shaun White. Nú hefur ný þáttaröð litið dagsins ljós þar sem fylgjast má með hetjum Ólympíuleikanna eftir íþróttaferilinn og á nýjum starfsvettvangi. Fyrsti þáttur, sem kom út í lok febrúar sl., fjallar um franska skíðakappann og gullverðlaunahafa á Ólympíuleikunum í Albertville árið 1992 Edgar Grospiron en hann starfar nú sem fyrirlesari. Fjallað er um hvernig hann notar nú reynslu sína úr íþróttaheiminum til þess að hvetja ungt íþróttafólk áfram. Skilaboð hans eru skýr: „Það sem ég vil segja er mjög einfalt, þetta snýst allt um áhuga og innri hvöt.“
Nánar ...
05.03.2019

Ársþing Glímusambands Íslands

Ársþing Glímusambands ÍslandsÁrsþing Glímusambands Íslands (GLÍ) fór fram laugardaginn 2. mars sl. Þingið gekk vel fyrir sig og meðal þess sem var rætt um var staða glímunnar og hugmyndir um hvernig hægt er að bæta hana með t.d. keppni á dýnum í fullorðinsflokki. Þinggerðina má sjá hér.
Nánar ...
05.03.2019

Ársþing Kraftlyftingasambands Íslands

Ársþing Kraftlyftingasambands ÍslandsÁrsþing Kraftlyftingasambands Íslands var haldið 23. febrúar síðastliðinn í fundarsölum ÍSÍ í Íþróttamiðstöðinni í Laugardal. Góð mæting var á þingið sem var stýrt af Valdimar Leó Friðrikssyni formanni UMSK og Sigurjóni Péturssyni fyrrverandi formanni Kraftlyftingasambandsins. Hulda Elsa Björgvinsdóttir, sem verið hefur formaður sambandsins síðastliðin tvö ár, gaf ekki áfram kost á sér og var Gry Ek Gunnarsson kjörin nýr formaður sambandsins til eins árs. Auðunn Jónsson, Inga María Henningsdóttir og Þórunn Lilja Vilbergsdóttir voru kjörin í stjórn til tveggja ára. Á þinginu voru samþykkt ný heildarlög fyrir sambandið. Hægt er nálgast þinggerð og reikninga hér á vefsíðu sambandsins.
Nánar ...
01.03.2019

Evrópuleikar 2019 - Minsk

Evrópuleikar 2019 - MinskEvrópuleikarnir 2019 fara fram í borginni Minsk í Hvíta-Rússlandi þann 21.-30. júní. Leikarnir eru haldnir á vegum Evrópusambands Ólympíunefnda (EOC).
Nánar ...
28.02.2019

Gísli og Úlfur sæmdir Gullmerki ÍSÍ

Gísli og Úlfur sæmdir Gullmerki ÍSÍ Þing Siglingasambands Íslands (SÍL) var haldið laugardaginn 23. febrúar sl. í Íþróttamiðstöðinni Laugardal. Þingforseti var Guðrún Inga Sivertsen og stjórnaði hún þinginu af mikilli röggsemi. Garðar Svansson var fulltrúi ÍSÍ á þinginu. Hann flutti kveðju forseta, framkvæmdastjórnar og starfsfólks ÍSÍ og fór yfir helstu verkefni sem framundan eru hjá ÍSÍ. Við flutning skýrslu stjórnar kom fram að sambandið hafi sett mikið starf og fjármagn í fræðslu, þjálfun og keppni á starfsárinu.
Nánar ...
27.02.2019

100 ára afmæli UMF Neista vel heppnað

100 ára afmæli UMF Neista vel heppnaðHeilmikil veisluhöld voru á Hótel Framtíð á Djúpavogi sunnudaginn 24.febrúar sl. í tilefni 100 ára afmælis Ungmennafélags Neista. Í tilefni tímamótanna var öllum boðið í afmælisköku, kaffi og safa á hótelinu og var sögu félagsins gerð skil með lifandi og skemmtilegum hætti. Ýmislegt var á dagskránni, svo sem mynda- og sögusýning, frumsýning nýrrar afmælistreyju Neista, úrslit nafnasamkeppni nýja húsnæðis Neista, auk þess sem dagatal afmælisársins var kynnt. Nýja húsnæði Neista á Neistavelli hlaut nafnið „Neisti“. Einnig var varningur sem sérstaklega var hannaður í tengslum við afmælisárið til sölu ásamt nýju afmælistreyjunni. Nokkrir tóku til máls á hátíðardeginum og frumsýnt var sérstakt afmælismyndband sem unnið var af Andrési Skúlasyni þar sem farið var yfir skemmtilega viðburði í gegnum árin hjá Neista. Sérstaklega góð mæting var á viðburðinn og greinilegt að Neisti hefur mikla þýðingu í samfélaginu og hefur gert í 100 ár.
Nánar ...
27.02.2019

Síðasti dagur til að sækja um að fara til Ólympíu

Síðasti dagur til að sækja um að fara til ÓlympíuÍþrótta- og Ólympíusamband Íslands auglýsir eftir tveimur þátttakendum, kven- og karlkyns, á námskeið ungs íþróttafólks (20 til 35 ára) á vegum Alþjóða Ólympíuakademíunnar í Ólympíu í Grikklandi dagana 1.- 15. júní n.k. Að þessu sinni er aðal umfjöllunarefnið „Olympic Diplomacy and Peace?“
Nánar ...
26.02.2019

Lokasprettur Lífshlaupsins

Lokasprettur Lífshlaupsins Nú er vinnustaðakeppni Lífshlaupsins senn á enda, en síðasti dagur keppninnar er 26. febrúar. Lífshlaupið er landskeppni í hreyfingu sem er ekki einungis hvatning fyrir einstaklinga til að taka sig á og byrja að bæta lífsstíl með aukinni hreyfingu, heldur er það skemmtileg keppni milli vinnustaða og frábært tækifæri fyrir vinnustaði til þess að efla liðsandann/starfsandann á vinnustaðnum. Vinnustaðir geta skráð eins mörg lið og þeir vilja og efnt til keppni innan vinnustaðarins. Öll lið telja þó saman undir einum vinnustað í heildarkeppni Lífshlaupsins. Hér má sjá stöðu keppninnar.
Nánar ...
25.02.2019

Starfsskýrsluskil í Felix

Starfsskýrsluskil í Felix Búið er að opna fyrir skil á starfsskýrslum í Felix, félagakerfi ÍSÍ og UMFÍ. Samkvæmt 8. grein laga ÍSÍ þá þurfa allir sambandsaðilar ÍSÍ að skila inn starfsskýrslu til ÍSÍ fyrir 15. apríl ár hvert í gegnum Felix kerfið. Þeir sambandsaðilar sem ekki hafa enn haldið sína aðalfundi, geta sótt um frest til að skila ársreikningshluta skýrslunnar fram yfir aðalfund viðkomandi. Umsókn um frest þarf að senda skriflega á netfangið isi@isi.is, með afriti til viðkomandi íþróttahéraðs.
Nánar ...
25.02.2019

Sigríður Bjarnadóttir sæmd Gullmerki ÍSÍ

Sigríður Bjarnadóttir sæmd Gullmerki ÍSÍÁ 95. ársþingi UMSK sem fór fram 21. febrúar sl. var Sigríður Bjarnadóttir í íþróttafélaginu Glóð í Kópavogi sæmd Gullmerki ÍSÍ fyrir störf sín við uppbyggingu íþróttastarfs í Glóð. Sigríður Bjarnadóttir er einn af stofnendum Glóðar og starfaði um tíma sem formaður félagsins. Hún hefur tekið virkan þátt í að gera Glóð að farsælu íþróttafélagi fyrir eldri borgara og var einn af hvatamönnum fyrir því að innleiða Ringó sem keppnisgrein á Íslandi. Síðustu 7 ár hefur hún starfað í Íþróttanefnd Glóðar og var um tíma formaður nefndarinnar. Hún hefur sinnt störfum fyrir Glóð af alúð og kostgæfni og lagt mikið af mörkum. Hún hefur verð ötul að sækja þingin, ekki einungis hjá UMSK, heldur líka Íþrótta- og Ólympíusambandi Íslands og Ungmennafélagi Íslands. Sigríður er áhugasöm um lýðheilsu og heilbrigð efri ár, vinnusöm og heiðarleg. Sigríður er vel að því komin að hljóta Gullmerki ÍSÍ. Það var Hafsteinn Pálsson, ritari framkvæmdastjórnar ÍSÍ, sem afhenti Sigríði Bjarnadóttur Gullmerki ÍSÍ.
Nánar ...
25.02.2019

Íþróttafólk UMSK 2018

Íþróttafólk UMSK 2018Sveitarfélög innan Ungmennasambands Kjalarnesþings (UMSK) hafa nýverið valið íþróttakonu og íþróttamann ársins 2018.
Nánar ...