Beint á efnisyfirlit síðunnar

Á döfinni

12.10.2018 - 14.10.2018

Ársþing LH 2018

Ársþing Landssambands hestamanna verður...
18

14.07.2013

Ólympíuhátíð Evrópuæskunnar sett í dag

Ólympíuhátíð Evrópuæskunnar sett í dagSumarleikar Ólympíuhátíðar Evrópuæskunnar verða settir formlega kl. 20:00 í dag á Galgenwaard Stadium í Utrecht í Hollandi. Íslenski hópurinn kom til Utrecht upp úr hádegi í gær og hefur komið sér vel fyrir í Ólympíuþorpinu.
Nánar ...
12.07.2013

Breytingar á stjórn Íþrótta- og Ólympíusambands Íslands

Breytingar á stjórn Íþrótta- og Ólympíusambands ÍslandsVið fráfall Ólafs E. Rafnssonar forseta ÍSÍ 19. júní sl. tók Lárus L. Blöndal varaforseti ÍSÍ við embætti forseta ÍSÍ, eins og lög ÍSÍ kveða á um. Á fundi framkvæmdastjórnar ÍSÍ í gær var síðan endurskipað í embætti stjórnar sambandsins. Helga Steinunn Guðmundsdóttir var skipuð í embætti varaforseta og Sigríður Jónsdóttir í embætti ritara. Gunnar Bragason verður eftir sem áður gjaldkeri ÍSÍ.
Nánar ...
10.07.2013

Sumarleikar Ólympíuhátíðar Evrópuæskunnar framundan

Sumarleikar Ólympíuhátíðar Evrópuæskunnar - EYOF 2013 hefjast 14. júlí næstkomandi í Utrecht í Hollandi. ÍSÍ sendir 19 ungmenni til hátíðarinnar til keppni í fimm íþróttagreinum, þ.e. fimleikum, frjálsíþróttum, júdó, sundi og tennis. Þátttakendur á sumarleikunum að þessu sinni verða hátt á þriðja þúsund frá 49 Evrópuþjóðum en alls verður keppt í níu íþróttagreinum á leikunum.
Nánar ...
05.07.2013

Fjölmenni við útför Ólafs

Fjölmenni við útför ÓlafsÚtför Ólafs E. Rafnssonar fór fram frá Hallgrímskirkju í gær að viðstöddu fjölmenni. Athöfnin var afar falleg og vel sótt. Íþróttafólk frá sérsamböndum ÍSÍ, hvert og eitt í litskrúðugum íþróttafatnaði síns sambands, stóð heiðursvörð fyrir utan kirkjuna á meðan kistan var borin út. Forseti Íslands, hr. Ólafur Ragnar Grímsson, var viðstaddur athöfnina ásamt Illuga Gunnarssyni mennta- og menningarmálaráðherra, Alexander Koslowski varaforseta EOC-Evrópusambands ólympíunefnda og Marc Theisen stjórnarmanni EOC en þeir voru jafnframt fulltrúar IOC-Alþjóðaólympíunefndarinnar, Yvan Mainini forseta Alþjóðakörfuknattleikssambandsins, Cyriel Coomans starfandi forseta FIBA Europe, Kamil Novak framkvæmdastjóra FIBA Europe og fleiri háttsettum leiðtogum innan íþrótta- og ólympíuhreyfingarinnar og alþjóða körfuknattleikshreyfingarinnar. Að auki voru fjölmargir forystumenn sambandsaðila ÍSÍ, sambandsaðila KKÍ, stjórnvalda og hinna ýmsu félagasamtaka í landinu auk fjölskyldu og vina Ólafs.
Nánar ...
03.07.2013

Útför Ólafs E. Rafnssonar, forseta ÍSÍ

 Útför Ólafs E. Rafnssonar, forseta ÍSÍÚtför Ólafs E. Rafnssonar forseta ÍSÍ fer fram frá Hallgrímskirkju í dag, fimmtudaginn 4. júlí kl. 15:00. Erfidrykkja verður haldin í Íþróttamiðstöð Hauka, Ásvöllum í Hafnarfirði. Skrifstofa Íþrótta- og Ólympíusambands Íslands verður lokuð frá kl. 12:00 í dag vegna útfarar Ólafs.
Nánar ...
01.07.2013

Richard Már endurkjörinn formaður TKÍ

Richard Már endurkjörinn formaður TKÍÁrsþing Taekwondosambands Íslands var haldið 10. júní síðastliðinn. 35 þingfulltrúar voru mættir þar og var Richard Már Jónsson endurkjörin formaður sambandsins. Einnig voru Haukur Skúlason og Örn Helgason kosnir í stjórn. Boða þurfti til framhaldsþings og var það haldið 24. júní síðastliðinn.
Nánar ...
01.07.2013

Þorvaldur Jóhannsson sæmdur Gullmerki ÍSÍ

Þorvaldur Jóhannsson sæmdur Gullmerki ÍSÍÍþróttafélagið Huginn fagnaði 100 ára afmæli sínu um síðastliðna helgi. Í tilefni af afmælinu þá samþykkti framkvæmdastjórn ÍSÍ að veita Gullmerki ÍSÍ til Þorvaldar Jóhannssonar. Gunnar Bragason gjaldkeri ÍSÍ afhenti Þorvaldi merkið á afmælishátíð félagsins.
Nánar ...
28.06.2013

Velheppnaðri Ólympíuviku lýkur í dag

Velheppnaðri Ólympíuviku lýkur í dagMörg frístundaheimili og íþróttafélög hafa tekið þátt í Ólympíuvikunni sem lýkur í dag. Keilubrautir í eigu Keilusambandsins hafa verið mjög vinsælar og farið víða og fjöldi barna hafa fengið að spreyta sig í skylmingum. Óðinn Björn Þorsteinsson heimsótti frístundaheimili í Grafarvogi og spjallaði við krakkana og leyfði þeim að spreyta sig á kúluvarpi. Þá var A-landslið kvenna í knattspyrnu með opna æfingu og mættu um 70 krakkar, horfðu á æfinguna og fengu svo veggspjöld og eiginhandaáritanir frá stelpunum í lok æfingar. Fleiri fréttir og myndir er að finna á heimasíðu Ólympíuvikunnar, www.olympiuleikar.com.
Nánar ...
28.06.2013

Minningarsjóður Ólafs E. Rafnssonar

Ólafur Eðvarð Rafnsson forseti ÍSÍ sem varð bráðkvaddur þann 19. júní s.l. verður jarðsunginn frá Hallgrímskirkju fimmtudaginn 4. júlí klukkan 15:00. Erfidrykkja verður haldin í Íþróttamiðstöð Hauka að Ásvöllum að lokinni athöfn. Stofnaður hefur verið Minningarsjóður Ólafs E. Rafnssonar sem verður notaður í þágu íþróttahreyfingarinnar í minningu Ólafs og hans mikla og óeigingjarna starfs innan hennar. Blóm og kransar eru vinsamlegast afþökkuð en þeim sem vildu heiðra minningu hans er bent á reikningsnúmer Minningarsjóðsins 0537-14-351000, kennitala sjóðsins er 670169-0499.Sjóðurinn verður í umsjón Íþrótta- og Ólympíusambands Íslands og eru nánari upplýsingar veittar á skrifstofu sambandsins í síma 514 4000.
Nánar ...
24.06.2013

Fyrsti dagur í ólympíuvikunni

Þá er ólympíuvikan hafin og mörg sumarnámskeið eru með hreyfi- eða íþróttaviku í tengslum við ólympíudaginn. Sum námskeiðin ætla að fá íþróttamann eða konu í heimsókn og aðrir ætla að kíkja í Laugardalinn á kynningar í skylmingum eða hafnarbolta.
Nánar ...