Beint á efnisyfirlit síðunnar

Á döfinni

24.07.2020 - 09.08.2020

Tókýó 2020

Ólympíuleikarnir árið 2020 fara fram 24.júlí...
10

08.11.2019

Dagur í lífi afreksíþróttamanns

Dagur í lífi afreksíþróttamannsHvernig er dagur í lífi afreksíþróttamanns? Kári Gunnarsson, margfaldur Íslandsmeistari í badminton, stefnir á þátttöku á Ólympíuleikunum í Tókýó í Japan í júlí 2020. Hann ætlar að taka yfir Instagram Story á síðu ÍSÍ @isiiceland í dag og leyfa okkur hinum að fylgjast með degi í sínu lífi.
Nánar ...
07.11.2019

Hreint íþróttafólk fær sína stund á verðlaunapalli

Hreint íþróttafólk fær sína stund á verðlaunapalliNý sex þátta sería var frumsýnd á Ólympíustöðinni í gær sem kallast „Take the Podium“ eða „Verðlaunapallurinn er þinn“. Þættirnir fjalla um það þegar íþróttamaður fær verðlaun sín frá Ólympíuleikum afhent, eftir að upp hefur komist að annar íþróttamaður féll á lyfjaprófi. Tekin eru viðtöl við íþróttamanninn og honum fylgt eftir í gegnum þann feril sem hefst þegar kemur í ljós að hann hafi í raun unnið til gull- silfur- eða bronsverðlauna á Ólympíuleikum.
Nánar ...
05.11.2019

Hvernig er dagur í lífi afreksíþróttamanns?

Hvernig er dagur í lífi afreksíþróttamanns?ÍSÍ er með Instagram síðu, @isiiceland, þar sem leitast er við að koma á framfæri því góða starfi sem fram fer í íþróttahreyfingunni. Nú stendur til að beina sjónum að íslensku afreksíþróttafólki og leyfa fólkinu í landinu að fá innsýn í þeirra daglega líf. Frá og með þessari viku mun íslenskt íþróttafólk skiptast á að taka við Instagram síðu ÍSÍ og sýna okkur hinum hvernig dagur í lífi þess er með því að hlaða inn myndum og myndböndum á Instagram Stories.
Nánar ...
01.11.2019

Ekki harka af þér höfuðhögg!

Ekki harka af þér höfuðhögg!Höfuðhögg getur haft alvarlegar afleiðingar. Um það eru mörg dæmi í knattspyrnu og fleiri íþróttum. Íþrótta- og Ólympíusamband Íslands og Knattspyrnusamband Íslands hafa í samstarfi unnið fræðslumyndbönd tengd þessu mikilvæga viðfangsefni. Annars vegar er um að ræða grafísk myndbönd með mikilvægum upplýsingum, m.a. um fyrstu viðbrögð, og hins vegar viðtalsmyndbönd þar sem knattspyrnufólkið Heiðrún Sara Guðmundsdóttir og Elfar Árni Aðalsteinsson deila reynslusögum (Viðtalsmyndböndin má sjá á samfélagsmiðlum KSÍ, t.d. hér).
Nánar ...
31.10.2019

Fræðslufundur UMSS 2019

Fræðslufundur UMSS 2019Ungmennasamband Skagafjarðar (UMSS) stóð fyrir viðburðinum Fræðslufundur UMSS 2019 í Miðgarði í Skagafirði miðvikudaginn 30. október síðastliðinn. Þessi árlegi viðburður er liður í stefnu UMSS í fræðslumálum. Ágætis mæting var frá fulltrúum aðildarfélaga UMSS enda voru fræðslufyrirlestrar fjölbreyttir og góð umræða um samvinnu í þessum efnum að fyrirlestrum loknum. Baldur Þór Ragnarsson körfuknattleiksþjálfari var með fyrirlestur um liðsmenningu mfl. Tindastóls í körfuknattleik karla, Viðar Sigurjónsson skrifstofustjóri ÍSÍ á Akureyri var með kynningu á styttri útgáfum af stjórnendanámskeiðum ÍSÍ og Sölvi Tryggvason var með athyglisverðan fyrirlestur sem hann kallaði „Sigrum streituna“. Ingi Þór Ágústsson úr framkvæmdastjórn ÍSÍ sá um fundarstjórn.
Nánar ...
30.10.2019

Bannlisti WADA 2020 - Helstu breytingar

Bannlisti WADA 2020 - Helstu breytingarBannlisti Alþjóðalyfjaeftirlitsstofnunarinnar (WADA Prohibited List) er endurskoðaður á hverju ári. Ný útgáfa tekur gildi 1. janúar 2020 og fyrir neðan má sjá helstu breytingar á milli ára.
Nánar ...
28.10.2019

Þrjár frjálsíþróttakonur á leið á HM

Þrjár frjálsíþróttakonur á leið á HMHeimsmeistaramót fatlaðra í frjálsíþróttum fer fram í Dubai dagana 7.- 15. nóvember nk. Íþróttasamband fatlaðra (ÍF) teflir fram þremur keppendum á mótinu og að þessu sinni eru það þrjár öflugar frjálsíþróttakonur sem munu reyna fyrir sér á stóra sviðinu.
Nánar ...
28.10.2019

Íþróttafræðinám við Háskólann í Reykjavík hefst í Vestmannaeyjum

Íþróttafræðinám við Háskólann í Reykjavík hefst í VestmannaeyjumÞað er ánægjuleg frétt fyrir íþróttahreyfinguna að frá haustönn 2020 verði hægt að nema íþróttafræði á háskólastigi í Vestmannaeyjum. Í dag undirrituðu Lilja Alfreðsdóttir, mennta- og menningarmálaráðherra, Hafrún Kristjánsdóttir, deildarforseti íþróttafræðideildar Háskólans í Reykjavík og Íris Róbertsdóttir, bæjarstjóri Vestmannaeyjabæjar, samning þess efnis, en námið er fjarnám úr Háskólanum í Reykjavík sem kennt verður í Vestmannaeyjum. Náminu er ætlað að nýtast sem grunnur að áframhaldandi námi í íþróttafræði.
Nánar ...
28.10.2019

Aðalfundur EOC 2019

Aðalfundur EOC 2019Evrópusamband Ólympíunefnda (EOC) hélt aðalfund sinn um helgina í Varsjá í Póllandi. Fundurinn var hinn glæsilegasti en Ólympíunefnd Póllands hélt upp á 100 ára afmæli sitt við sama tækifæri með glæsilegri dagskrá.
Nánar ...
25.10.2019

Fundur með fulltrúum Akureyrarbæjar, ÍBA og VMÍ

Fundur með fulltrúum Akureyrarbæjar, ÍBA og VMÍFramkvæmdastjórn ÍSÍ fundaði í vikunni með fulltrúum Akureyrarbæjar, Íþróttabandalags Akureyrar (ÍBA) og Vetraríþróttamiðstöðvar Íslands (VMÍ). Fundað var í fundaraðstöðu í Íþróttahöllinni við Skólastíg á Akureyri.
Nánar ...
25.10.2019

Tveir áratugir á Akureyri

Tveir áratugir á AkureyriÞann 1. september síðastliðinn​ voru 20 ár síðan skrifstofa ÍSÍ á Akureyri var sett á laggirnar. Skrifstofan var lengi vel við Glerárgötuna en flutti svo í nýtt og rúmbetra húsnæði á síðasta ári í Íþróttahöllinni við Skólastíg.
Nánar ...
25.10.2019

Íþróttir barna og unglinga

Íþróttir barna og unglingaÍþróttir eru vinsælasta tómstundaiðkun barna á Íslandi en um 12 ára aldur stunda rúmlega átta af hverjum tíu börnum íþróttir með íþróttafélagi. Margar ólíkar íþróttagreinar eru í boði og ættu öll börn að geta fundið eitthvað við sitt hæfi. Á Íþróttaþingi árið 1996 var samþykkt stefna í íþróttum barna og unglinga og frá þeim tíma hafa orðið töluverðar breytingar í íþróttaumhverfi barna. Síðan þá hafa sérsamböndin aðlagað og einfaldað keppnisfyrirkomulag í íþróttum barna, fækkað leikmönnum í liðum, minnkað mörk og dregið verulega úr mikilvægi úrslita með því að tilkynna síður úrslit í yngstu aldurshópunum. Samhliða þessum breytingum hefur þátttaka aukist verulega, fjölbreytni er meiri og börn byrja fyrr að stunda íþróttir með íþróttafélögum en áður. Þá er þátttaka foreldra í íþróttum barna mun meiri og væri íþróttastarfið í þeirri mynd sem það er í dag nær ómögulegt án aðkomu þeirra. Menntun þjálfara hefur aukist og aðstaða til íþróttaiðkunar stórbatnað.
Nánar ...