Beint á efnisyfirlit síðunnar

Á döfinni

21.04.2020 - 21.04.2020

Ársþing HHF 2020

Ársþing Héraðssambandsins Hrafna-Flóka verður...
3

04.03.2020

Íþróttafólk UMSK 2019

Íþróttafólk UMSK 2019Ársþing Ungmennasambands Kjalarnesþings (UMSK) fór fram 3. mars sl. Á þinginu voru veittar viðurkenningar fyrir Íþróttafólk ársins 2019. Valgarð Reinhardsson, fimleikamaður úr Gerplu, var valinn Íþróttakarl UMSK 2019 og Berglind Björg Þorvaldsdóttir, knattspyrnukona úr Breiðabliki, var valin Íþróttakona UMSK 2019.
Nánar ...
04.03.2020

96. ársþing UMSK

96. ársþing UMSK96. ársþing Ungmennasambands Kjalarnesþings (UMSK) var haldið þann 3. mars sl. í Frjálsíþróttahöllinni í Laugardal. Áður en þingið var sett fóru fram tvær kynningar. Sema Erla Serdar kynnti Æskulýðsvettvanginn, sem er samstarfsvettvangur Ungmennafélags Íslands, Bandalags íslenskra skáta, KFUM og KFUK á Íslandi og Slysavarnafélagins Landsbjargar. Æskulýðsvettvangurinn vinnur að sameiginlegum hagsmunamálum barna og ungmenna. Ólafur Rafn Steinarsson, formaður Rafíþróttasamtaka Íslands (RSÍ), kynnti rafleiki og starfsemi samtakanna en nokkur íþróttafélög eru farin að bjóða upp á skipulagðar æfingar í rafleikjum í sínu starfi.
Nánar ...
04.03.2020

Lyftingaþing LSÍ

Lyftingaþing LSÍLyftingaþing Lyftingasambands Íslands (LSÍ) var haldið þann 1. mars sl. í Íþróttamiðstöðinni í Laugardal. Hafsteinn Pálsson, annar varaforseti ÍSÍ, var þingforseti og ávarpaði þingið. Farið var yfir ársreikninga, ársskýrslu og fjárhagsáætlun sambandsins. Stjórn er sem hér segir: Magnús B. Þórðarson formaður, Árni Rúnar Baldursson varaformaður, Ásgeir Bjarnason gjaldkeri, Jens Andri Fylkisson ritari og Davíð Ólafur Davíðsson meðstjórnandi. Í varastjórn eru: Einar Ingi Jónsson, Ingi Gunnar Ólafsson (einnig formaður tækninefndar), Sigurður Darri Rafnsson og Þór Reynir Jóhannsson. Framkvæmdastjóri LSÍ er Maríanna Ástmarsdóttir.
Nánar ...
04.03.2020

EYOWF 2021 í Voukatti

EYOWF 2021 í VoukattiÁ næsta ári fer Vetrarólympíuhátíð Evrópuæskunnar fram í Voukatti í Finnlandi dagana 6. - 13. febrúar. Verður það í fimmtánda sinn sem vetrarhátíðin er haldin. Hátíðin var einmitt haldin í Voukatti fyrir 20 árum síðan og tókst Finnum vel til. Voukatti er 600 km norður af Helsinki og hentar einkar vel til vetraríþrótta. Keppnisgreinar á leikunum eru alpagreinar, skíðaskotfimi, skíðaganga, íshokkí, listskautar, skautahlaup og snjóbrettagreinar. Keppendur koma frá 48 Evrópuþjóðum og verða yfir eitt þúsund talsins. Íslendingar munu eiga sína fulltrúa íþróttafólks á hátíðinni, auk þjálfara og flokksstjóra, sjúkraþjálfara og aðalfararstjóra. Verður þetta í fyrsta sinn sem jafnt kynjahlutfall er hjá keppendum á Vetrarólympíuhátíð Evrópuæskunnar.
Nánar ...
03.03.2020

4. Þríþrautarþing ÞRÍ

4. Þríþrautarþing ÞRÍÞríþrautarþing Þríþrautarsambands Íslands (ÞRÍ) fór fram í fjórða sinn þann 29. febrúar sl. Dagskrá þingsins var hefðbundin samkvæmt lögum ÞRÍ. Kjörinn var nýr formaður, Valerie Maier, til tveggja ára. Í aðalstjórn voru Guðbjörg Jónsdóttir og Helgi Sigurgeirsson kjörin til tveggja ára og Hákon Hrafn Sigurðsson til eins árs. Í varastjórn voru Ingi B. Poulsen, Sigurjón Ólafsson og Sædís Jónsdóttir kjörin til eins árs. Áfram situr í aðalstjórn Aðalsteinn Friðriksson, kjörinn til tveggja ára á 3. þríþrautarþingi sem haldið var 2019. Fráfarandi úr stjórn eru Halldóra Gyða Matthíasdóttir Proppé formaður, Sarah Cushing aðalstjórn og Ragnar Haraldsson varastjórn. Hafsteinn Pálsson, annar varaforseti ÍSÍ, var þingforseti. Líney Rut Halldórsdóttir framkvæmdastjóri ÍSÍ ávarpaði þingið.
Nánar ...
03.03.2020

Heiðranir á ársþingi KRAFT

Heiðranir á ársþingi KRAFTÁ þinginu fór fram formanns- og stjórnarkjör. Formenn fastanefnda voru kosnir til tveggja ára. Gry Ek Gunnarsson var endurkjörin formaður til eins árs. Aron Ingi Gautason, Laufey Agnarsdóttir og Muggur Ólafsson taka nú sæti í stjórn með umboð til næstu tveggja ára. Sólveig H. Sigurðardóttir var kjörin formaður dómaranefndar, Einar Örn Guðnason formaður mótanefndar, Róbert Kjaran formaður landsliðsnefndar, Sigurjón Pétursson formaður laganefndar og Gry Ek formaður heiðursmerkjanefndar. Úr stjórn gengu Aron Friðrik Georgsson, Alex Orrason og Guðbrandur Sigurðsson.​
Nánar ...
03.03.2020

Bogfimi í sókn

Bogfimi í sóknBogfimi hefur vaxið hratt á landsvísu undanfarin ár og er nú stunduð í tíu íþróttafélögum innan vébanda níu íþróttahéraða. Nýlega lauk Íslandsmóti ungmenna og öldunga í bogfimi og ljóst að áhuginn fyrir bogfimi er mikill því metskráning var í mótið. Þann 13. - 15. mars fer síðan Íslandsmeistaramótið innanhúss fram í Bogfimisetrinu.
Nánar ...
02.03.2020

Sambandsaðilar fylgi ráðleggingum sóttvarnarlæknis vegna kórónaveirunnar

Sambandsaðilar fylgi ráðleggingum sóttvarnarlæknis vegna kórónaveirunnarÍþrótta- og Ólympíusamband Íslands vill vekja athygli á leiðbeiningum sóttvarnarlæknis í tengslum við kórónaveiruna og hvetur sambandsaðila að fylgjast með nýjustu uppfærslum varðandi skilgreiningar á áhættusvæðum. Þeir sambandsaðilar sem hyggja á ferðalög með íþróttahópa ættu að kynna sér allar upplýsingar varðandi smitsvæði á vefsíðu Embættis landlæknis. ÍSÍ bendir sambandsaðilum sínum á að fylgja ráðleggingum sóttvarnalæknis um sóttkví vegna kórónuveirunnar hafi aðilar verið á skilgreindum áhættusvæðum. Bent er á að mælst er til þess að þeir sem hafi verið nýlega á þessum áhættusvæðum fari fjórtán daga sóttkví og hafi samband við Læknavaktina í síma 1700 eða sína heilsugæslustöð. Hafa ber í huga þau áhrif sem aðgerðir stjórnvalda á áhættusvæðum geta haft á ferðaáætlanir og fylgjast vel með fréttum, þarlendis og á vef Embættis landlæknis þar sem skilgreiningar á svæðum með viðvarandi smit geta breyst hratt.
Nánar ...
02.03.2020

Aldís fyrst Íslendinga á HM á skautum

Aldís fyrst Íslendinga á HM á skautumAldís Kara Bergsdóttir skautakona er nú stödd í Tallin í Eistlandi til að keppa fyrir Íslands hönd á Heimsmeistaramóti unglinga í listskautum sem fer fram 2. til 8. mars. Er þetta í fyrsta skiptið sem íslenskur skautari keppir á heimsmeistaramóti í listskautum í einstaklingskeppni. Aldís mun keppa í stuttu prógrami föstudaginn 6. mars nk. klukkan 10:45 að staðartíma en Tallinn er tveimur klukkustundum á undan Íslandi. Það kemur í ljós fimmtudaginn 5. mars hvar í rásröðinni hún lendir en þá verður dregið í keppnisröð kl 15:30 á staðartíma.
Nánar ...
02.03.2020

Verðlaunaafhending Lífshlaupsins 2020

Verðlaunaafhending Lífshlaupsins 2020Fulltrúar frá vinnustöðum, grunn-, og framhaldsskólum tóku á móti sínum verðlaunum sl. föstudag á verðlaunaafhendingu Lífshlaupsins 2020 sem fór fram í sal KSÍ við Laugardalsvöll. Metþátttaka var í Lífshlaupinu í ár. Þátttakendur voru samtals 18.198 í 1.680 liðum og voru alls 16.261.466 hreyfimínútur skráðar og 209.413 dagar.
Nánar ...